Vreemde Koninkryk - Ken CostaVoorbeeld

Vryheid 

Die behoefte aan vryheid is diep binne elkeen van ons lewens gewortel. Ek het die vroeëre deel van my lewe geleef in ‘n land waar vryheid erg ingeperk was; die aangewese korrupte oortuiging was dat rassesegregasie die fondasie was van ware vryheid, en menigte lewens het elke dag verlore gegaan gebaseer hierop. Toe ek Suid-Afrika verlaat en in Engeland begin studeer het, was die kontras opvallend. Ek het van 'n tonteldoos atmosfeer gekom, onrus borrelend onder die oppervlak van die lewe, en hier was totale gemak; hier was vryheid. Was dit egter ware vryheid? Die vryheid waarvoor Christus vir ons gesterf het?

Die boodskap van die kruis is die vryheid van sonde se straf van 'n permanente vernietiging van ‘n verhouding met God en, in 'n tipiese vreemde en paradoksale manier, bied dit vir ons vrye toegang tot 'n nuwe manier van lewe. Ons hoef nie in dieselfde paaie af te sloef nie, ons is ‘n nuwe roete aangebied, met 'n nuwe uitkyk en 'n glorieryke nuwe horison.

Baie van ons voel vasgevang deur, wat die Bybel na verwys as, vestings, ‘n ongewone woord wat die gedrag en siklusse van ons denke beskryf, wat blyk om ons gevange te hou. Ons raak obsessief oor die verkry van status of besittings of mag; of ons voel permanent ongenaakbaar, onseker en jaloers, nie in staat om bly te wees vir ‘n vriend se sukses nie; of ons weet dat ons verslaaf is aan pornografie of selfs werk. 

Christene kan ook aanhou leef as gevangenes van hierdie dinge en optree asof Christenskap nie goeie nuus is nie. Sukkel jy konstant met angstigheid, bekommernis, wellus, woede, 'n gebrek aan hoop of moed? Laat hierdie gedragspatrone jou voel asof jy geen beheer oor jou lewe het nie? Indien jy ja geantwoord het op een of al hierdie vrae, dan moet jy terugkeer na die realiteit van die ware vryheid wat vir ons aan die kruis gekoop is. 

Die mag van die Gees vloei van die kruis, bevry ons van die kettings van sonde en die  dood, en ontsluit ons tronkdeur. Die mag van die Gees is losgelaat met verstommende krag, deur die oënskynlike dwaasheid van die kruis. Die gebed wat in my hart opkom is: mag jy vir die eerste keer of op ‘n nuwe manier, op oorweldigende en oorvloedige maat, van die vryheid weet wat joune is in Jesus Christus wat gekruisig is.

Gebed:

Here, dankie dat dit vir vryheid is waarvoor Christus ons vrygemaak het. Soos ons leef in die genade wat ons nie verdien nie, help ons om die krag van u liefde aan ander te kan wys, sodat hulle ook vrygelaat kan word. Ons ontvang u vryspraak en ons beloof om dit te gebruik om U en mekaar te dien, tot eer en verheerliking van u Naam, deur die krag van u Heilige Gees, amen.