God se HartklopVoorbeeld

VOORSIENER

Genesis 22:8

O Vader, U is die Voorsiener. U het genadiglik die ram in die bos geplaas in u tyd en op u manier! Vergewe my asseblief as ek u tydsberekening bevraagteken en u weë betwyfel. Herinner my dat U alles ten goede laat meewerk, vir dié wat U liefhet en volgens U besluit geroep is. O Vader, ek het U so lief! Ek wil hê dat u wil in my lewe geskied. Terwyl ek dus geduldig wag, sal ek ook gretig op die uitkyk wees. In hierdie stil plek van vertroue in U alleen, sal ek U uiteindelike voorsiening van u enigste Seun onthou, dié offerlam. O Jesus, U is die "ram in die bos!" Dankie, lieflike Verlosser, dat U my plek op die altaar ingeneem het. U het verlossing aan my siel gegee! O God, ek loof U; my geloof is versterk: as U u eie Seun nie gespaar het nie, maar Hom vir ons almal oorgegee het, hoe sal U nie ook saam met Hom alles uit genade vir ons gee nie? Ja, U sal voorsiening maak vir al my behoeftes, in u perfekte tydsberekening en op u foutlose maniere! Dus: my siel, wag in stilte vir God, want my hoop kom van Hom. Dankie, Vader, vir u pragtige voorsiening in al my behoeftes.

© Chris Baxter 2014 Clear Day Uitgewers