God se HartklopVoorbeeld

GOD VAN GENADE

Lukas 15:20

O Vader, U is die God van genade! U ken die toestand van die mens se hart: dat dit meer bedrieglik is as enigiets anders en sieklik is; wie kan dit verstaan? U, o Vader, sien ons, en U red ons! Ek juig! U is genadig en barmhartig en as gevolg van u groot liefde waarmee U my liefgehad het, het U my saam met Christus lewend gemaak toe ek nog dood was in my oortredinge ... deur genade is ek gered, deur geloof! Om te dink dat ek guns in u oë gevind het; en dat U, my Koning, u septer vir my uitgesteek het! Watter soort liefde is dit?! Ek wil hê dat my lewe 'n lewe van dankbaarheid sal wees as gevolg van u groot genade en guns. Trek my nader, o Vader, want ek is so geneig om te dwaal. Deurgrond my, o Vader, deurgrond my hart, ondersoek my, sien tog my onrus raak. Kyk of ek nie op die verkeerde pad is nie en lei my op die beproefde pad! Dankie dat U my altyd vashou. In u arms sal ek vir ewig van u liefde en trou sing!

© Chris Baxter 2014 Clear Day Uitgewers