ITestamente eNdala - abaProfeti abakhulu

ITestamente Endala - Iincwadi zikaMoses

ITestamente eNdala - Iincwadi zeMbali

ITestamente eNdala - Iincwadi zoBulumko

Phila Ubomi Obunenjongo

UNAWO uMthandazo!

Nika uThixo iNdawo yokuQala

Phila ngamandla nobukhalipa!

Okona kuzixhobisa

Esona Sigqibo siKhulu ngoBomi Bakho

<div class="version vid281 iso6393xho" data-vid="281" data-iso6393="xho">
 <div class="book bkZEP">
 <div class="chapter ch1" data-usfm="ZEP.1">
 <div class="label">1</div><div class="s1">Umgwebo kaYehova uhla phezu koYuda neYerusalem</div><div class="p"> 1Ilizwi likaYehova elafika kuZefaniya unyana kaKushi, unyana kaGedaliya, unyana ka-Amariya, unyana kaHezekiya, ngemihla kaYosiya unyana ka-Amon, ukumkani wakwaYuda.</div><div class="p"> 2Ndiya kususa ndiyisuse into yonke ehlabathini; utsho uYehova. 3Ndiya kususa abantu neenkomo; ndiya kususa iintaka zezulu, neentlanzi zolwandle; nezikhubekiso kunye nabangendawo; ndibanqamle abantu emhlabeni; utsho uYehova. 4Ndiya kusolula isandla sam phezu koYuda, naphezu kwabemi bonke baseYerusalem, ndinqamle kuyo le ndawo amasalela akwaBhahali,&#8226; negama lababingeleli abangengabo, kunye nababingeleli; 5nabaqubuda kumkhosi wezulu phezu kwezindlu, nabaqubudi abazinikela kuYehova ngesifungo, bafunge ukumkani wabo; 6nababuya umva kuYehova, nabang&#224;mfunanga uYehova, abang&#224;mquqelanga.</div><div class="p"> 7Yithini tu ebusweni beNkosi uYehova; ngokuba isondele imini kaYehova; kuba uYehova ulungise umbingelelo, ungcwalise abamenywa bakhe. 8Kuya kuthi ngemini yombingelelo kaYehova, ndibavelele abathetheli, noonyana bokumkani, nabo bonke abambatha izambatho zolunye uhlanga. 9Ndobavelela ngaloo mini bonke abatsiba embundwini womnyango, abazalisa indlu yenkosi yabo ngogonyamelo nenkohliso. 10Kothi ngaloo mini, utsho uYehova, kuvele izwi lokukhala esangweni leentlanzi, kuvele nokubhomboloza kwesesibini isahlulo somzi, kuvele ukuqhekeka okukhulu ezindulini. 11Bhombolozani, bemi basemgongxweni, kuba badakile bonke abantu bakwaKanan, banqunyulwe bonke abathwali besilivere.</div><div class="p"> 12Kuya kuthi ngelo xesha, ndiyigquthagquthe iYerusalem ndinezibane, ndiwavelele amadoda agovalele ezintsipheni zawo; atshoyo ukuthi ezintliziyweni zawo, UYehova akenzi kulungileyo, akenzi nakubi. 13Ubutyebi bawo buya kudywidwa, nezindlu zawo zibe ngamanxuwa; akhe izindlu, angazihlali; atyale izidiliya, angayiseli iwayini yazo.</div><div class="p"> 14Isondele imini enkulu kaYehova, isondele, ikhawulezile kakhulu. Yivani, imini kaYehova! Liyakhala ngokukrakra khona igorha. 15Loo mini yimini yokuphuphuma komsindo, yimini yembandezelo nocutheko, yimini yentshabalala yakwantshabalala, yimini yobumnyama nesithokothoko, yimini yamafu, namafu amnyama; 16yimini yesigodlo nokuhlaba umkhosi emizini enqatyisiweyo, naseluqoqweni olude.</div><div class="p"> 17Ndiya kubabandezela abantu, bahambe ngokweemfama, kuba bonile kuYehova; liphal&#224;zwe igazi labo njengothuli, nenyama yabo njengobulongo. 18Nesilivere yabo negolide yabo ayisayi kuba nako ukubahlangula ngemini yokuphuphuma komsindo kaYehova; lotshiswa lonke ihlabathi ngumlilo wekhwele lakhe. Ngokuba uya kubaphelisa, inene, ab&#232;nze into ekhwankqisayo bonke abemi behlabathi.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkZEP">
 <div class="chapter ch2" data-usfm="ZEP.2">
 <div class="label">2</div><div class="s1">Umgwebo uhla phezu kweentlanga ezinobutshaba ezijikelezileyo</div><div class="p"> 1Zihlanganiseni nizihlanganise, luhlangandini lungadaniyo, 2ungekazali ummiselo (kuba imini le idlula njengomququ), kungekanifikeli ukuvutha komsindo kaYehova, ingekanifikeli imini yomsindo kaYehova. 3Funani uYehova, nonke balulamileyo belizwe, bakwenzileyo okusesikweni kwakhe; funani ubulungisa, funani ululamo, mhlawumbi n&#242;sitheliswa ngemini yomsindo kaYehova.</div><div class="p"> 4Ngokuba iGaza iya kuba sisishiywa, neAshkelon ibe linxuwa; iAshdode iya kugxothwa emini emaqanda, inyothulwe iEkron. 5Uha, abemi becandelo laselwandle, uhlanga lwamaKreti! Ilizwi likaYehova lichasene nani, Kanan, lizwe lamaFilisti. Ndokutshabalalisa ke, kungabikho uk&#250;mayo. 6Icandelo laselwandle liya kuba ngamakriwa, nemiqolomba yabalusi, libe zizibaya zempahla emfutshane. 7Loba licandelo lamasalela endlu yakwaYuda; aya kwal&#250;sela kulo, abuthe ezindlwini zaseAshkelon ngokuhlwa; kuba uya kuwavelela uYehova uThixo wawo, akubuyise ukuthinjwa kwawo.</div><div class="p"> 8Ndikuvile ukungcikiva kukaMowabhi, nokunyelisa koonyana baka-Amon, ababangcikive ngako abantu bam, bazikhulisa emdeni wabo. 9Ngako oko, ndihleli nje, utsho uYehova wemikhosi, uThixo kaSirayeli, inene, elakwaMowabhi liya kuba njengeSodom, neloonyana baka-Amon libe njengeGomora, libe lilifa lamarhawu, libe sisigingqi setyuwa, kube senkangala kulo, kude kuse ephakadeni. Amasalela abantu bam aya kubaphanga, amaqongqolo ohlanga lwam abadle ilifa. 10Kuya kuba njalo kubo ngenxa yekratshi labo, ngokuba bengcikivile, bazikhulisa kubantu bakaYehova wemikhosi. 11Uyoyikeka uYehova kubo; kuba uyabangcungcuthekisa bonke oothixo behlabathi, ziqubude kuye zonke iziqithi zeentlanga, elowo esendaweni yakhe.</div><div class="p"> 12Nani maKushi, ningababuleweyo ngekrele lam. 13&#218;ya kusolula isandla sakhe ngakwelisentla, ayitshabalalise iAsiriya, ayenze ibe linxuwa iNineve, ayenze umqwebedu onjengentlango. 14Iya kubutha phakathi kwayo imihlambi, izinto eziphilileyo nokuba ziziphi, ziziimfidi; ingcwangube nokhwalimanzi balale emanqanamini; kobakho lizwi leemvumi ezifestileni, amazala emibundwini yeminyango; ngokuba ewuhlubile umsebenzi wabo wemisedare.&#8226; 15Nguwo lowo umzi obudlamkile, obuhleli ukholosile, obusithi entlizityweni yawo, Ndim kwaphela, akukho wumbi. &#218;theni na ukuba ube linxuwa, ube sisikhundla samarhamncwa! Bonke abadlulayo kuwo benza umsondlo, baphekuze ngesandla sabo.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkZEP">
 <div class="chapter ch3" data-usfm="ZEP.3">
 <div class="label">3</div><div class="s1">Isono seYerusalem nobulungisa bukaThixo</div><div class="p"> 1Yeha, umzi oneenkani, ongcolileyo, oxinzelela phantsi! 2Awuphulaphulanga lizwi; awamkelanga ngqeqesho; awukholosanga ngoYehova, awusondelanga kuThixo wawo. 3Abathetheli bawo phakathi kwawo baziingonyama ezibharhulayo; abagwebi bawo baziingcuka zangokuhlwa, ezingabeki nto ukuze ziyigunuze kwakusa. 4Abaprofeti bawo bayaxhaphazela, ngamadoda anginizayo; ababingeleli bawo bayayihlambela ingcwele, bagonyamela umyalelo. 5UYehova ulilungisa esazulwini sawo; akenzi ngabugqwetha; imis&#243; ngemis&#243; ukumisa emhlotsheni okusesikweni kwakhe, angasileli; ke yena onobugqwetha akakwazi ukudana.</div><div class="p"> 6Ndizinq&#225;mle iintlanga, zichithakele iingqoqo zezindlu zazo. Ndizonakalisile izitrato zazo, ukuba kungabikho udlula ngazo; idilikile imizi yazo, ukuba kungabikho mntu, kungabikho umiyo kuyo. 7Ndathi kodwa, Mawundoyike, uyamkele ingqeqesho, ling&#224;nqanyulwa ikhaya lakho, njengako konke endakumisela khona; ke bavuka kusasa, bonakalise ngeentlondi zabo zonke.</div><div class="s1">Ukubuyiswa kwamasalela kaSirayeli</div><div class="p"> 8Ngako oko yilindeleni kum, utsho uYehova, ide ibe yimini yokuvuka kwam, ndithimbe. Ngokuba kulunge kum ukuhlanganisa iintlanga, ndibuthe izikumkani, ukuze ndiyiphalaze ingqumbo yam phezu kwazo, konke ukuvutha komsindo wam; kuba liya kutshiswa ngumlilo wekhwele lam lonke ihlabathi.</div><div class="p"> 9Kuba ngelo xesha ndiya kuziguqulela izizwe intetho enyulu, ukuze zinqule igama likaYehova zonke ziphela, zimkhonze ngaxhatha linye. 10Ziya kuthabathela phesheya kwemilambo yakwaKushi, zibazise abandithandayo, intombi yeentsali zam, bengumnikelo wam wokudla.</div><div class="p"> 11Ngaloo mini akuyi kudana ngenxa yeentlondi zakho zonke, owakreqa ngazo kum; ngokuba ngelo xesha ndiya kubasusa phakathi kwakho abadlamkileyo bakho, benekratshi, ungaphindi uzidle ngokwakho entabeni yam engcwele. 12Kanjalo ndiya kusalisa phakathi kwakho abantu abaziintsizana, abazizisweli, abaya kuz&#237;mela egameni likaYehova. 13Amasalela akwaSirayeli akayi kwenza ngobugqwetha, akayi kuthetha amanga, aluyi kufumaneka emlonyeni wawo ulwimi lwenkohliso; ngokuba wona aya kudla, abuthe, kungabikho uwothusayo.</div><div class="b"></div><div class="p"> 14Memelela, ntombi inguZiyon: duma, Sirayeli; vuya, udlamke ngentliziyo yonke, ntombi inguYerusalem. 15UYehova ukususile ukugwetywa kwakho, &#250;zidedisile iintshaba zakho; ukumkani wakwaSirayeli, uYehova, uphakathi kwakho; akusayi kuba sabona bubi. 16Ngaloo mini baya kuthi kwiYerusalem, Musa ukoyika; Ziyon, mazingawi izandla zakho. 17UYehova uThixo wakho uphakathi kwakho, ligorha elisindisayo; &#250;nemihlali ngawe, enovuyo; &#250;the cwaka eluthandweni lwakhe, ugcoba ngawe ememelela.</div><div class="p"> 18Ndiya kubahlanganisa abalilela umthendeleko, bengabakuni; ingcikivo ibaphethe. 19Yabona, ndiya kubenza ngendawo bonke abacinezeli bakho ngelo xesha; ndiyisindise into eqhwalelayo, ndiyihlanganise into egxothiweyo; ndibenze indumiso negama emazweni onke abahlaziswa kuwo. 20Ngelo xesha ndiya kunizisa, ndinibuthe ngexesha elililo; ngokuba ndiya kunenza nibe negama, nidunyiswe phakathi kwezizwe zonke zehlabathi, ekukubuyiseni kwam ukuthinjwa kwenu phambi kwamehlo enu; utsho uYehova.</div>
 </div>
 </div>
</div>

ITestamente eNdala - abaProfeti abancinciIsampulu

IsiBhalo

Malunga nesi Sicwangciso

Izicwangciso eziyeleleneyo