UYohane 1, 2 & 3 nekaYuda

URute

Okona kuzixhobisa

Esona Sigqibo siKhulu ngoBomi Bakho

uEstere

INtshumayeli

Nika uThixo iNdawo yokuQala

INdumiso 119

uRute

IMizekeliso

<div class="version vid281 iso6393xho" data-vid="281" data-iso6393="xho">
 <div class="book bkISA">
 <div class="chapter ch13" data-usfm="ISA.13">
 <div class="label">13</div><div class="s1">Ukubhukuqwa kweBhabheli ngamaMedi</div><div class="p"> 1Isihlabo esisingisele kwiBhabheli, awasibonayo uIsaya, unyana ka-Amotsi.</div><div class="p"> 2Nyusani ibhanile&#8226; phezu kwentaba eluqayi, baphakamiseleni ilizwi; khobani ngesandla, bangene emasangweni amanene. 3Mna ndibaw&#237;sele umthetho abangcwalisiweyo bam, ndiwabizele umsindo wam amagorha am, abadlamkileyo bam abanekratshi. 4Yiveni ingxokolo ezintabeni, ngathi yeyabantu abaninzi. Yiveni ingxokolo yezikumkani zeentlanga, z&#237;hlanganisene; uYehova wemikhosi uhlanganisa umkhosi wemfazwe. 5Bavela ezweni elikude, ekupheleni kwamazulu &#8212; nguYehova nezixhobo zengqumbo yakhe, ukuba alonakalise ilizwe lonke.</div><div class="p"> 6Bhombolozani, kuba isondele imini kaYehova, ivela ngokwembuqo kuSomandla. 7Ngenxa yoko ziwile iingalo zonke, zonke iintliziyo zabantu zinyibilikile. 8Bakhwankqile, bafikelwe kukupenapena nayinimba; bayazibhijabhija njengozalayo, bakhwankqiswe ulowo nguwabo; ubuso babo bubuso bamalangatye.</div><div class="p"> 9Yabona, imini kaYehova iyeza, inobujorha, iphuphuma umsindo, ishushu, ukuba il&#232;nze libe senkangala ilizwe, ibatshabalalise aboni balo kulo. 10Kuba iinkwenkwezi zezulu namakroza alo akayi kukhanyisa kukhanya kwawo; liya kuba mnyama ilanga ekuphumeni kwalo, inyanga ingabi mhlophe ukukhanya kwayo.</div><div class="p"> 11Ndolivelela elimiweyo ngenxa yobubi balo, nabangendawo ngenxa yobugwenxa babo, ndiliph&#232;lise ikratshi labakhukhumeleyo, ndilithobele phantsi ikratshi labangcangcazelisi; 12ndiw&#232;nze amadoda anqabe ngaphezu kwegolide engcwengiweyo, noluntu lunqabe ngaphezu kwegolide ecikizekileyo yakwaOfire. 13Ngenxa yoko ndiya kuligungqisa izulu, nehlabathi linyikime, lishenxe endaweni yalo ngokuphuphuma komsindo kaYehova wemikhosi, ngemini yokuvutha komsindo wakhe; 14bathi ke, njengebhadikazi elisukeliswayo, nanjengomhlambi ongenamhlanganisi, babheke elowo kubantu bakowabo, basabele elowo ezweni lakowabo. 15Bonke abo bafunyenweyo baya kuhlatywa amahl&#224;nza, bonke abo babanjiweyo bawe likrele. 16Zocunyuzwa iintsana zabo phambi kwamehlo abo, ziphangwe izindlu zabo, balalwe abafazi babo.</div><div class="p"> 17Yabona, ndibaxhoxhela amaMedi angayibekiyo isilivere, angayinanzileyo negolide. 18Izaphetha zawo ziya kukhahlela amadodana, nesiqhamo sesizalo angabi namfesane siso; iliso lawo lingabi nanceba kubo abantwana. 19IBhabheli, ikhazikhazi lezikumkani, isihombo sekratshi lamaKaledi, iya kuba njengokubhukuqa kukaThixo iSodom neGomora. 20Ayi kumiwa naphakade, ayi kuza ihlalwe ezizukulwaneni ngezizukulwana, angagxumeki ntente khona nomArabhi, nabalusi bangakhi khona buhlanti. 21Obutha khona amarhamncwa omqwebedu, zizale izindlu zabo zizihuluhulu, kuhlale iinciniba khona, kuqakathe izinto ezimaxhonti khona; 22kulile amaxhwili ezingxandeni zabo ezinde, neempungutye emabhotweni okuxhamla ubuncwane; kusondele ukuza kwexesha layo, nemini yayo ingalibali.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkISA">
 <div class="chapter ch14" data-usfm="ISA.14">
 <div class="label">14</div><div class="s1">Ukubuyiswa kukaSirayeli</div><div class="p"> 1Ngokuba uYehova uya kuba nemfesane kuYakobi, abuye awanyule amaSirayeli, awahlalise emhlabeni wakowawo, bathelele kuwo abasemzini, bahlomele endlwini kaYakobi. 2Ziya kuwathabatha izizwe, ziwazise endaweni yawo; bazifuye zona abendlu kaSirayeli emhlabeni kaYehova, zibe ngamakhoboka namakhobokazana, babe ngabathimbi babathimbi babo, babe nobukhosi kubaqhubi babo.</div><div class="s1">Umemelelo olungokufa kokumkani weBhabheli</div><div class="p"> 3Kuya kuthi, mini uYehova aniphumzayo ekwaphukeni kwenu, nasekugungqeni kwenu, nasekukhonzeni okunzima, enakhonziswa ngako, 4nihlabe lo mzekeliso ngokumkani waseBhabheli, nithi, &#218;theni na ukupheza umqhubi! ukupheza umzi othisayo! 5UYehova ulwaphule uswazi lwabangendawo, intonga yabalawuli, 6ebizibetha izizwe ngokuphuphuma komsindo, ngokubetha okungenakupheza; ebizinyathela ngomsindo iintlanga ngokusukelwa okungenakubanjezelwa. 7Liphumle, lizolile ihlabathi lonke; bayagqabhuka bamemelele. 8Nayo imisipres&#8226; ikuvuyele, imisedare&#8226; yaseLebhanon ithi, Kuseloko walalayo, akunyuki mgawuli usigawulayo.</div><div class="p"> 9Elabafileyo ngaphantsi liyagungqa nguwe, ngokubona ukuza kwakho; likuxhoxhela abafileyo, zonke iinkunzi ezikhokelayo zehlabathi; liphakamisa ezitroneni zabo bonke ookumkani beentlanga. 10Zonke ziphela zasusela ngelithi kuwe, Nawe wenziw&#233; ofayo njengathi na? usuke wafana nathi na? 11Buhlis&#233;lwe kwelabafileyo ubungangamsha bakho, isandi semirhubhe yakho; kwandlelwe iimpethu ngaphantsi kwakho, akugub&#250;ngele amanundu.</div><div class="p"> 12&#217;theni na ukuwa emazulwini, Khwezi, nyana wesifingo! ukunqunyulwa uwe emhlabeni, mngquli weentlanga! 13Wena ke wathi entliziyweni yakho, Ndiya kunyukela emazulwini, ndiyinyuse itrone yam ibe ngaphezu kweenkwenkwezi zikaThixo; ndihlale entabeni yentlanganiso, engontsini yasentla. 14Ndiya kunyuka ngaphezu kwezig&#225;nga zamafu, ndizifanise nOsenyangweni; 15kanti &#249;ya kuhliselwa kwelabafileyo, engontsini yomhadi.</div><div class="p"> 16Abakubonayo baya kukuthi nzo ngamehlo, bakugqale, bathi, Yiyo na le indoda ebiligungqisa ihlabathi, ebizinyikimisa izikumkani? 17eyalenza intlango elimiweyo, yayigungxula imizi yalo; &#224;yabavulela ababanjwa balo ukuba bagoduke? 18Bonke ookumkani beentlanga, bonke bephela, balele benozuko, elowo endlwini yakhe; 19ke wena ulahlelwe kude nengcwaba lakho, njengegatya elilisikizi; wambethe ababuleweyo, abahlatywe ngekrele, abahle baya ematyeni omhadi; njengesidumbu esinyashwe ngeenyawo.</div><div class="p"> 20Akuyi kubandakanywa nabo engcwabeni, ngokokuba walonakalisayo ilizwe lakho, wababulala abantu bakho; ayiyi kuba nagama naphakade imbewu yabenzi bobubi. 21Oonyana bakhe balungiseleni ukusikwa, ngenxa yobugwenxa booyise, Mabangesuki balidle ilifa ihlabathi, bazalise elimiweyo ngem&#237;zi, 22Ndiya kusukela phezulu kubo, utsho uYehova wemikhosi, iBhabheli ndiyinqumle ingabi nagama namasalela, nanyana nanzalo, utsho uYehova; 23ndiyenze ibe lilifa lokhwalimanzi nezadunge zamanzi, ndiyitshayele ngomtshayelo wentshabalalo; utsho uYehova wemikhosi.</div><div class="s1">Ukutshatyalaliswa kuka-Asiriya</div><div class="p"> 24Ufungile uYehova wemikhosi wathi, Inyaniso, njengoko ndicinge ngako, koba njalo; njengoko ndicebe ngako, koma ngolo hlobo; 25ukuba nd&#237;maphule uAsiriya ezweni lam, ndimnyashe ngeenyawo ezintabeni zam, isuke kubo idyokhwe yakhe, usuke umthwalo wakhe esixhantini sabo. 26Lilo elo icebo elicetyiweyo ngehlabathi lonke; siso eso isandla esolukileyo phezu kweentlanga zonke. 27Kuba uYehova wemikhosi ucebile, ngubani na onokutshitshisa? nesandla sakhe eso solukile, ngubani na onokusibuyisa?</div><div class="s1">Okuya kuhlela uFilisti</div><div class="p"> 28Ngomnyaka wokufa kokumkani onguAhazi kwabakho esi sihlabo sithi:</div><div class="p"> 29Musa ukuvuyelela, wena Filisti uphela, ngakuba yaphukile intonga ebikubetha; kuba engcanjini yenyoka kuphuma irhamba, isiqhamo sayo sibe yinyoka etshisayo, ephaphazelayo. 30Baya kudla abazizisweli, abuthe ekholosile amahlwempu; ndibulale ingcambu yakho ngendlala, abulawe amasalela akho. 31Bhomboloza, sango! Khala, mzi! Yitha amandla, wena Filisti uphela, ngokuba entla kuphuma umsi; akukho wahlukayo ebuthweni lakhe. 32Bathini na ukuphendula abathunywa beentlanga? Bathi, UYehova uyisekile iZiyon, zoz&#237;mela ngayo iintsizana zabantu bakhe.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkISA">
 <div class="chapter ch15" data-usfm="ISA.15">
 <div class="label">15</div><div class="s1">Okuya kuhlela uMowabhi</div><div class="p"> 1Isihlabo esisingisele kuMowabhi.</div><div class="p">Kuba ngobusuku iAri yakwaMowabhi ibhuqiwe, yadaka; kuba ngobusuku ibhuqiwe iKire yakwaMowabhi, yathi shwaka. 2Banyuk&#233; baya endlwini naseDibhon, ezig&#225;ngeni, besiya kulila; phezu kweNebho naphezu kweMedebha uMowabhi uyabhomboloza; zonke iintloko zichetyiwe, zonke iindevu ziguyiwe. 3Ezitratweni zakhe babhinqa ezirhwexayo; phezu kwezindlu zakhona, nasezindaweni zeembutho zakhona, bonke bephela bayabhomboloza, besithi ngxa iinyembezi. 4Iyakhala iHeshbhon ne-Elale, lide laya kuvakala naseYahazi izwi labo; ngenxa yoko abaxhobileyo bakwaMowabhi benza isijwili, umphefumlo wabo uyajijitheka kubo.</div><div class="p"> 5Intliziyo yam iyakhala ngokubona uMowabhi, omivalo ide yesa eTsohare, elithokazi elilizibulekazi; kuba banyuka eqhineni laseLuhiti belila; kuba endleleni yaseHoronayim bakhaliswa kukwaphulwa kwabo; 6kuba amanzi aseNimrim athe qoko; kuba bubunile utyani, luphelile uhlaza, awukho umfuno. 7Ngenxa yoko intwana ebisele, ababeyenzile, ababeyiqwebile, bayayithwala bayiweze esihlanjeni semingculuba. 8Kuba isikhalo siwuzungulezile umda wakwaMowabhi; ukubhomboloza kwakhe kwesa e-Eglayim, kwesa naseBhere-elim ukubhomboloza kwakhe. 9Kuba amanzi aseDimon azele ligazi; ngokuba iDimon ndiyimisela ezinye izinto ezimbi; abasindileyo bakwaMowabhi nabaseleyo emhlabeni ndibamisela ingonyama.</div>
 </div>
 </div>
</div>

Masifunde iBhayibhile Kunye (EyoMnga)Isampulu

IsiBhalo

Malunga nesi Sicwangciso

Izicwangciso eziyeleleneyo