Iivesi zeBhayibhile ezithandwayo ezisuka Matteyo 6

Share

Ottifyati ahosyere ekoi ono Hollum bwo ottifyati ijifatyere efahita honyi attadi Hollum fonihina erre huna daŋ jihatai.

Tania hehawwati te erre hun ofwonni adi motye, nyo motye ofwonni adi erre omuk hun ihawwati adi itai. Oremik arrohoji ono oloŋ abotye to oloŋ ania.

Tania eramak ni itai jo, hehawwati ta nesu hatai, te erre hun iŋiyete tai bwo fe hun imatati tai, ara dwo bu erre hwattek hun iyyafatyete tai. ?Obeŋ so nesu hatai agalik aŋiyo? ?Obeŋi ahwattek hatai agalihini aboŋojin?

Ati al imojoti tai ojiŋana ihaji, ihyanana ekat bwo omojoti jo Monyatai ol obeŋ’to oleyo, bwo fe Monyatai al igonyu’to erre hun obeŋi oleye oduma adi itai.

Omojoti ihwa ana: Monye hohoi ol owon idou, Hotokwata afure hoi, Hetettu olobye hoi. Hetehaniehe awahan hoi lifau ihwa ihanie lidou.

Isyara hohoi ahana aŋiyo hohoi ottoloŋi.

Obusak ahorosi hohoi Ihwa an ebusaniere hohoi aati horosi hohoi.

Heyaro hohoi jyo esusuta Ati itahoru hohoi jyo arrohojita. Ijara olobye hatawana, iko adwaran, iko akwatan jihoi fur.

Kuyya ibusana tai eyyata wati hul ihanie’to on orroho jihatai, obusak adi monyatai ette dou eyyata hatai.

Ikemijyete aheny hun idarratai idou; obeŋi bu isi oyehini bwo obeŋi odeŋuni, obeŋi isi ottubani erre imugwo. Ati itaŋiyo Monyatai ette dou isi. ?Ibyaŋata so itai igalihina isi?

Hettuniete ebariti hatai jyo afau ana nyo otuk adi eyyu iko nelarryoŋolo isi, kuyya bu ojiŋani adi ahahalak ihahalari isi. Ati ottuniete ebariti hatai idou nyo obeŋ adi eyyu kuyya bu nelarryoŋolo itatturi isi bwo fe obeŋi adi ahahalak ojiŋani ihahalari isi. Nyo igigiloi atajya hatai jyo amaji on ottunarik ebariti hatai.

Obeŋ tulo oremik igyamari jyo eleittaha arrihai. Nyo oliwari adi inyi olobotye bwo fe omuno olobotye, kuyya bu awak adi inyi olobotye bwo fe omyana olobotye. Ibyaŋata tai iremehina igyamari jyo Hollum bwo fe jyo ebariti.

Kuyya ibuya Hollum ayaburita hun isuri’to ahana ifau bwo motye ibironi adi isi ihima, ?obeŋ adi inyi itiyyafak itai on oyyu agalik? Aii, itai laati hul omuta neruk.

Ati al isyatta tai agurusi oŋida isyatta an idima jo oŋida aani ihoroŋ obeŋ omijak anyo an ihanio aani iŋet, bwo fe Monyatai al igonyu erre hun idimani oduma adi itai.

Ihumata irrirrya ŋadi ihaniete tai ehanita hatai hun oyiji ihosyere wati jo oŋida isi omijye. Al ihaniete tai ihwania obeŋ adi Monyatai ette dou oduma itai.

Al iferuna tai hejiriŋati ihwa lenyabak hul itajiriŋye’to omomite hosi jo oŋida laati omijani jo oferuni isi. Ahode eramak ni itai jo owoni isi iko edumit hosi. Ati al iferuna tai iyyalana osi hatai bwo illillata omomite hatai, jo oŋida laati obeŋi omijani jo iferuna tai, ati igonyu Monyatai ol obeŋ’to oleyo itai. Bwo fe Monyatai al igonyu’to erre hun obeŋi’to oleye oduma adi itai.