Iivesi zeBhayibhile ezithandwayo ezisuka IsiThyilelo IsiThyilelo 11

Share

Sathi esesixhenxe isithunywa savuthela ixilongo; kwabakho amazwi amakhulu emazulwini, esithi, Izikumkani zehlabathi zithe zaba zezeNkosi yethu, nezikaKristu wayo; uya kulawula ngonaphakade kanaphakade.

Zaqumba iintlanga, lafika ingqumbo yakho, nexesha labafileyo lokuba bagwetywe, nokuba ubanike umvuzo kubakhonzi bakho abaprofeti, nabangcwele, nabo baloyikayo igama lakho, abancinane, kwaye mkhulu; kwaye uya kubatshabalalisa abo bawonakalisayo umhlaba.

Ndiya kuwanika amangqina am amabini, aprofete imihla eliwaka elinamakhulu mabini anamanci mathandathu, ethiwe wambu ngeengubo ezirhwexayo.

Emva kweentsuku ezintathu ezinesiqingatha uMoya wobomi ophuma kuThixo wangena kuwo, ema ngeenyawo zawo; baza bawelwa luloyiko olukhulu abo bawabonayo.

Lawo anegunya lokuvala izulu ukuze kungani ngeentsuku zokuprofeta kwawo, yaye anegunya phezu kwamanzi lokuwajika abe ligazi nelokuwubetha umhlaba ngazo zonke izibetho ngokufuthi kangangoko enqwenela.

Lawo yile minquma mibini, nezi ziphatho zezibane zibini, zimiyo phambi koThixo womhlaba. Ukuba kukho bani unga angawonakalisa, kophuma umlilo emlonyeni wawo, uziqwenge iintshaba zawo