Iivesi zeBhayibhile ezithandwayo ezisuka Matiyu 6

Share

Ài yi Ala ya masaya ɲinin kunfɔlɔ le ani aa telenmandeya, wo vɛ kɛla, wo bɛ yi lale wo kɔkan ka di ài ma.

Wo lɔ saa, ài kà hamin sinin kolu le. Ài yi sinin kolu to sinin yɛ. Ɲangba min yi sɔlɔnna tele kelen kɔlɔ, wo vɛ tele wo ta bɔ.»

«Wo le y'a kɛla, ǹ'a fɔ ài yɛ, ài kà hamin àiya niimaya le k'a fɔ ài kɛtɔ mindɛ dɔnna, niwotɛ ài kɛtɔ mindɛ minna. Ài do kà hamin ài falikolo ya ko le, k'a fɔ ài kɛtɔ mindɛ le bilala ài kanna. Jalasa àiya niimaya kulugbeleyanin tɛ dɔnnifenko le? Jalasa ài falikolo kulugbeleyanin tɛ àiya feeyabɔko le?

«Ni i ka kɛ Ala dalila, i yi don i sibon na ka da latuun i jɛlɛ ma. I i Fa Ala dali je, kamasɔlɔn a yi dingila doonnin wo lɔ. Min yi kɛla doon nɔ, i Fa Ala yi wo yena, a do kɛtɔ i balayila.

«Ài ka kan ka Ala dali teme, wo le ne: ‹Mɔ Fa min yi haijɛnɛ, i tɔɔ sɛnɛyanin yi buɲa. Iya masaya la yi nkɛnɛmaya. I sawo yi kɛ duukolo kɔkan, iwo a yi kɛla teme haijɛnɛ.

I yi bi balo di mɔ ma.

I yi maa koyonnu lɔkoto, iwo ǹu fana vɛ mɔɔlu makoto teme, minu na koyon kɛla mɔ la.

I do kà diɲa mɔ ma yi nɛɛ ka bila koyon nɔ, kɛɛ mɔ matanga Soitana ma.›

«Ni ài ka dɔlu ya koyonnu lɔkoto, ài Fa min yi haijɛnɛ, wo fana kɛtɔ ài makotola.

«Ài y'ài mili kɔnɔnilu ma minu yi ndiinna sanma. Ai tɛ sɛnɛ kɛla, ai do tɛ sɛnɛfen kalila. Ai tɛ malo ladonna kele la. Kɛɛ do, ài Fa min yi haijɛnɛ, wo y'ai balola. A yi di? Àilu kulugbeleyanin tɛ wolu le?

«Ài kà nafolo ladɛn ài jɛlɛ yɛ dunuɲa min nɔ, baabaa ni soon yi tiɲali kɛla tɛɛminja. Son fana yi se da kalila tɛɛminja ka suɲali kɛ. Mafɔ, ài yi nafolo ladɛn ài jɛlɛ yɛ haijɛnɛ le, baabaa ni soon tɛ se tiɲali kɛla tɛɛminja. Son fana tɛ se da kalila ka suɲali kɛ je. Kamasɔlɔn iya nafolo yi tɛɛminja, i josokun gbaannin wo le ja la.»

«Jɔn tɛ se baale kɛla jɔnfa fila yɛ waate kelen nɔ. Ni wo ka kɛ, jɔn kɛtɔ a dɔ lagbeyaɲɛla, k'a dɔ kanu. A do fasatɔ a dɔ ma, k'i ban a dɔ lɔ. Wo lɔ, ài tɛ se kɛla Ala ya jɔn ne k'ài kɛ wɔli fana ya jɔn ne waate kelen nɔ.»

Àilu minu ya limaniya dɔɔyanin, ni Ala yi tuukɔlɔbinnu feeyabɔla ten, minu yi je bi k'ai ɲɛnin taa lɔ sinin, a tɛnala ài feeyabɔla ka timin wolu la?

Ni i ka bolokolon sɔ i bolokini la, i bolonunma kà wo lɔn, fɔsa iya sɔli yi to doon nɔ. Wo do vɛ kɛla, i Fa Ala min yi ko doonnin bɛ yena, wo le kɛtɔ i balayila.»

«Ài kà àiya diinakolu kɛ mɔɔlu ɲakɔlɔ, fɔsa ai yi wolu kɛnin ye ài bolo. Ài vɛ wo kɛla, ài Fa min yi haijɛnɛ, wo tɛnala ài balayila feu.

«I vɛ sundonna lon min na, i k'i ɲakɔlɔ sili iwo filangafolu y'a kɛla teme. Wolu y'ai ɲakɔlɔ silila fɔsa mɔɔlu y'a lɔn ai yi sun nɔ. Ǹ'i tuɲa fɔ ài yɛ, ai vɛ ban ai balayi sɔlɔnna. I vɛ sundonna, i ɲa lako ka tulu sisa i kun na, alako mɔɔlu kana a lɔn i yi sun nɔ. Kɛɛ i Fa Ala min doonnin, wo kɛtɔ a lɔnna. Min yi kɛla doon nɔ, i Fa Ala yi wo yena, a do kɛtɔ i balayila.»