Iivesi zeBhayibhile ezithandwayo ezisuka Ñwaè' Matïìyoè 6

Share

Banɛ wèe ròo entombì ba kʉʉ Nyʉ̀, gee ŋgěe yɛɛnì àmbò e ce kòŋ, tɛ e fa wèe buu ca wɛɛwɛ foŋ.

Banɛ mlù mi fa ce koo wèe à buu cě àyàŋsè ka'. Be ba àyàŋsè tɛ buu ku ba ce mlù mi koo wèe àgho. Ŋgɛ' ŋwɛ̀ ce à nǒŋ mo'sir à ghɛɛte nè ŋgàŋ à nòŋ anà.

“Banɛ m ce suŋ wèe enɛ mlù mi fa ce koo wèe nè yè nyor enɛ wèe be ye kɛ, kɛ̀ no kɛ ka'. Mlù mi fa ce koo wèe nè yè nyor foŋ enɛ wèe be yar ba kɛ ka'. Mbò ryǒŋ ŋwɛ̀ li càa byee, nyor ŋwɛ̀ à caa bcɛ̀' a?

Wɛ̀ ka' ce loo, à du mbe wɛ̌ rum ndap, cete kèŋ, loo nè yò Ta ce a ke yɛ ye ka', tɛ yò Ta ca ce e ke yɛ buu ce bèe a gèe à bsʉ̀ti bo là' wɛ̀.

Banɛ wèe ce loo ba à njɛ̀ɛ enɛ̂, ‘Yèr Ta ce e yu embe bùu, tɛ lo rlii li ba rrara, tɛ yo kʉʉ yi kɛ', tɛ bèe a gee yuu ce à ce kòŋ njep ŋgòŋ na àmbò a ce gèe mbe bùu.

Fa wèr byee ce vi ghɛɛte nè wèr ntìni.

Fòosi wèr efa yèr buu bbebep àmbò wee wèr à fòosi bèe ce a gèe buu bbebep nè wèr.

Fa mà'shi tɛ rmòoshì li vʉ nè wèr ka', fʉr wèr embà mmbo Satàn ce e yu ŋwɛ̌ mbembep. [Gèe buu ca nè wèr njobè' kʉʉ yu yo, ŋger à ba yo, bkù' à ba wo nfesè. Yi yu wa'a.]’

Wèe à ka' foosi bèe ce a gèe buu bbebep nè wèe, banɛ yè Ta embe bùu be fòosi wèe foŋ.

Fyɛ' ka nè bsiŋ. Vi ke byè buu kɛ̀ kep buu kɛ̀ lɛ à bcàŋ ka'. Ka' yi yu wa'a, yè Ta embe bùu ku ce nyaŋ wowèe. Mbò yè ntaa lùu sê, a caa yì bsiŋ a?

“Wèe fa lɛ̀ wee bkù' njep ŋgòŋ njep dì' ce àde' mfyɛp vi ye, nlo ye, byɛ̀ɛ vi kep ndap yɛɛ ka'. Lɛ̀ nè wee bkù' ba mbe bùu mbe dì' ce àde' mfyɛp vi ye ka', nlo ye ka', byɛ̀ɛ vi kep mbo yɛɛ buu ka'. Fàdì' ce yò buu yu, a fàdì' ce yo ntee yi yu foŋ.

“Àde' ŋwɛ̀ fa' nè mmasǎ bbaa ka'. E ka' gee wa'a, banɛ e be bàa mò', kòŋ mò', yu'ni nè mò', lòr mò' à yuu ka'. Àde' à ce fà' nè Nyʉ̀ ker ce fà' nè mbàa ka'.

Nyʉ̀ ka' ce sùsi mjɛɛ efa rìŋ ce mi ke yɛɛti ntìni, e fʉʉ àyàŋsè, a too njep mor, banɛ e be sùsi yi wèe gòr àmbò kɛ? Le rbyemì li yu mʉcàr.

Wèe ka' ce fa yuu nè bèe ce a buu, wèe fa mà'shi tɛ ye bo ŋkòp yi riŋ yuu ce ye bo mà' yi ce gèe ka', tɛ ŋwɛ̀ mò' bo rìŋ yuu ce wèe à fa ka'. Wèe à ka' gee wa'a, banɛ yè Ta ce e ke yɛ buu ce bèe a gèe à bsʉ̀ti, be là' wèe.

“Lòr nè nfè' fà dì' wèe gee ŋgěe yɛɛnì à bsii bèe tɛ a bo yɛ yuu ce wèe à gèe ka'. Wèe à ka' gee wa'a, banɛ àde' yè Ta ce e yu mbe bùu la' wèe ka'.

“Wèe à ka' ce jì mdip, wèe fa ce koosimnse àmbò ŋgǎa mbo'ni a ke gèe nà ka', njobè' wowèe a ke jì mdip wa'a, su'si mmir ka', tɛ bèe a bo yɛ enɛ wowèe a ce jì mdip. M ce suŋ wèe nè mini-ŋwɛ̀ enɛ wowèe a koo wap blà' wɛɛ. Wèe à ka' ce jì mdip, wèe yo' mgʉr mbe tù, yɛr mmir, fà dì' bèe a bo rìŋ enɛ wèe ce jì mdip ka', tɛ ku rìŋ ba yè Ta Nyʉ̀ ce bèe a ke yɛ ye ka', tɛ yè Ta ca ce e ke yɛ buu ce bèe a gèe à bsʉ̀ti bo là' wèe.