Paglalakbay Tungo sa SabsabanHalimbawa

Pagpapahayag ng Puso ng Diyos  

Pagsang tabi sandali ang lahat ng mga teolohikal na dahilan na nagpapaliwanag kung bakit naparito si Cristo sa mundo, at isipin lamang ang patungkol sa kahanga-hangang pag-ibig ng Diyos para sa iyo. Minahal ka Niya nang labis na isinantabi Niya ang Kanyang kaluwalhatian at karangalan upang maging Emmanuel, ang Diyos na kasama mo. Isaalang-alang ang lahat mula pa sa pasimula—mula sa Hardin ng Eden hanggang sa Kanyang gawain sa iyong sariling buhay—ay udyok at sadyang nilikha ng pag-ibig.

Ang pag-ibig ang nag-udyok sa Kanya na magpakita sa isang mababang-loob na biyuda sa templo na nanalangin ng halos ilang dekada para sa Kanyang pagparito. Dahil sa pag-ibig, muling inayos ng Diyos ang Kanyang oras at panahon upang makatagpo Niya ang maraming indibidwal na Kanyang pinaglingkuran at pinagaling. At dahil sa pag-ibig, Siya ay kumain kasama ang mga desperadong mga makasalanan at mga itinataboy na maniningil ng buwis. Yaong mga itinapon ng lipunan, ay tinipon Niya sa Kanyang mga bisig. Ang Kanyang buhay ay pagpapamalas ng pag-ibig sa gawa.

Ipinakita sa atin ni Jesus ang tunay na puso ng Diyos, na naninirahan kasama natin at inanyayahan tayo sa tunay, malalim na pakikipagkaibigan sa Kanya. Hindi Siya naparito upang mamuno at magwasak ngunit upang magligtas at maghandog ng bagong buhay sa lahat ng lalapit sa Kanya.

Gawain: Tawagan ang isang kaibigan na hindi mo na nakausap nang matagal at gumugol ng ilang panahon upang makapag-ugnayan muli.