Paglalakbay Tungo sa SabsabanHalimbawa

Magmahal nang Walang Limitasyon

Ang pagmamahal ng Diyos ay di limitado sa karanasan ng kaligtasan; ito ay umaabot sa bawat sulok ng buhay. Sa Hardin ng Eden - kahit nagkasala si Adan at Eba - hindi tumalikod ang Diyos sa pagmamahal Niya sa sangkatauhan. Maaari Niya naman silang sukuan, pero hindi Niya ginawa. Minahal Niya ang mga ito at desididong ibalik sila sa isang mapagmahal na relasyon sa Kanya. Sa buong Lumang Tipan, makikita natin ang Diyos na palaging lumalapit nang may pagmamahal, habang inihahanda ang entablado sa pagdating ng Kanyang pagliligtas.

Si Jesu-Cristo ang katuparan ng sinaunang pangako ng perpektong biyaya na nagliligtas ng sanlibutan. Ang nakasulat na tala ng Diyos para sa atin, na inihahayag ang Kanyang walang hanggang pagmamahal na naghahanap at nagliligtas sa lahat ng panahon. Maaari naman Siyang manatili sa langit, malayo sa pagod at pagdurusa ng nasirang mundong ito, pero alam Niya na kailangan natin ang pagmamahal na Siya lamang ang makakapagbigay. Kaya sa iyong pagdiriwang sa kapanganakan ng ating Tagapagligtas, pag-isipan ang sinasabi tungkol sa Kanyang malalim na pagmamahal sa iyo.

Gawain: Kumustahin ang isang kamag-anak o kaibigan na kailangan mong makipag-ayos. Magpatawad dahil una kang pinatawad ng Diyos.