Paglalakbay Tungo sa SabsabanHalimbawa

Namumuhay sa Pamamagitan ng Pananampalataya

Ipinaaalala sa atin ng Banal na Kasulatan na maraming matuwid na kalalakihan at kababaihan na hindi nakita ang bunga ng kanilang pag-asa hanggang sa masubukan ng matinding pagsubok ang kanilang pananampalataya. Sa ilang sitwasyon, hindi nila nakita ang malinaw na sagot sa ilan nilang mga panalangin habang sila ay nabubuhay. Subalit hindi ito naging dahilan upang sila ay tumigil sa paniniwala sa Diyos sa araw-araw.

Walang sumusulat na propeta sa Israel sa loob ng apat na siglo, subalit ang kalalakihan at kababaihang tulad nina Simeon at Ana—mga taong makadiyos na naghihintay sa pinakahihintay na tunay na Mesiyas—ay nanindigan sa kanilang paniniwala na gagawin ng Panginoon ang mismong sinabi Niya na gagawin Niya. Hindi sila nawalan ng pag-asa, maging sa kanilang katandaan. Hindi nakapagtatakang nakilala nila kaagad ang kanilang pinakahihintay nang makita nila Siya sa bisig ng Kanyang ina—kahit wala nang ibang nakapansin.

Hindi mahalaga na ang pamilyang ito ay malinaw na mahirap, na nagdala sa templo ng di-gaanong mamahaling alay. Nakilala nina Simeon at Ana kaagad ang karangalan dahil lagi silang may pakikipag-ugnayan sa Diyos, namumuhay sa pamamagitan ng pananampalataya sa halip na sa mga bagay na nakikita.

Gawain: Magbigay ng bagong laruan sa isang pinagkakatiwalaang bahay-kalinga na namamahagi ng mga Pamaskong regalo sa mga batang nangangailangan.