Ang PaghahanapHalimbawa

Kilala na ng Diyos ang puso mo. Nababasa Niya ang iniisip mo. At kapag natapos mo na ang pag-aaral na ito, maaari mong punitin ang iyong talaarawan kung gusto mo o sunugin ito, ngunit, sa pagitan ng ngayon at pagkatapos, ito ay tungkol sa totoong ikaw at sa totoong Panginoon ng sandaigdigan. May ninanais kang higit pa sa mga kasagutan. Ang nais mo ay kapahayagan. Nilikha ka para rito. Ako rin.

Bakit kaya tatanungin ng Diyos ang tao ng mga katanungan samantalang alam na Niya ang mga kasagutan sa mga ito? Marahil isang araw ay magbibigay Siya ng dose-dosenang pagpapaliwanag, ngunit paulit-ulit ay ito ang ipinahihiwatig ng Banal na Kasulatan: Ang Diyos, ang Maylikha, ang Tagapagligtas, at ang Hari, ay nagnanais na magkaroon ng pakikipag-ugnayan sa Kanyang pinahahalagahang nilikha sa gitna ng ating mga kahinaan at pagdududa at kabiguan. At hindi lamang pakikipag-ugnayan. Nais Niya ng pakikipagkasunduan. At hindi lamang pakikipagkasunduan. Ang nais Niya ay ang pakikipaglapit.

Sa iyo. Hindi sa kung sinong iniisip mong ikaw sana o sa ninanais mong pagkilos mo sa harap ng mga nanonood. Ikaw.

Basahin ang Genesis 1:26-2:17 at 3:19, pansinin—at maaari ring markahan—ang bawat bersikulo kung saan tuwirang nakipag-usap ang Diyos kay Adan. Anong itinanong ng Diyos sa Genesis 3:9?

Ngayon, makipagpalit ka ng posisyon kay Adan at hayaan mong ang banal na pagsisiyasat ay mapapunta sa iyo. Nasaan ka? May pupuntahan ka, ngunit ang anumang tiyak na daraanan patungo sa iyong destinasyon ay nagsisimula sa iyong kinaroroonan ngayon. Sa isang talaarawan, sumulat sa Diyos mismo, at ilarawan kung nasaan ka ngayon sa buhay mo. Kung ikaw ay nasa isang magandang lugar, sabihin mo ito sa Kanya. Maging tiyak ka sa Kanya katulad ng pagiging tiyak mo sa isang taong tunay na nagmamahal at makikipagbunyi sa iyo, Sa isang banda, maaaring ikaw ay nasa isang lugar na walang pagbabago o sa isang mahalaga, nakasasakit, o malungkot na lugar.

Ilarawan kung nasaan ka nang may ganap na kalayaang magsalita sa Diyos. Posible, ikaw ay nasa kakaibang lugar na hindi maiilarawan ng iisang pang-uri lamang. Sabihin mo sa Kanya lahat ng pagkamasalimuot nito

Sa totoo lang, maaaring gusto mo ring itanong sa Diyos ang tanong na ito: "Panginoon, nasaan ka? Nasaan Ka kamakailan lang?" o "Nasaan Ka noong ...?" Maaaring alam mo ang kasagutan ayon sa Biblia o ayon sa teolohiya. Batid ng isip mo ang mga pangako sa Banal na Kasulatan na nagsasabing hindi Ka Niya iiwan ni pababayaan man, ngunit sa ngayon ang nararamdaman ng puso mo ay hindi mo Siya matagpuan. Maaari mo Siyang tanungin kung nasaan Siya o, kung ito ay tungkol sa nakaraang panahon, kung nasaan Siya noon. 

Tapusin ang iyong pagsusulat ngayong araw na ito sa pamamagitan ng Mga Awit 139:7-20, kung saan maaari mong hiramin ang eksaktong mga salita ng salmista o kaya ay maaari mo ring isulat ang mga ito sa sarili mong pagkakaunawa.