Mga Ugaling PampasayaHalimbawa

Ugaling Pampasaya: Magpasyang Magalak

Kapag gumuguho ang lahat, huwag tangkaing ayusing mag-isa. Hayaan ang Diyos na isaayos muli ang lahat.

Kung may kinakaharap kang problema, may dalawa kang pagpipilian: Maaari kang sumamba o maaari kang mag-alala. Iyon na yon! Ito ang aking tinatawag na sangkap na pananampalataya.

Sabi ni Pablo sa Mga Taga-Filipos 1:18-19, “at ako'y magagalak. Sapagka't nalalaman ko na ang kahihinatnan nito'y sa aking ikaliligtas, sa pamamagitan ng inyong pananaing at kapuspusan ng Espiritu ni Cristo, ” (TLAB).

Sa iisang bersikulong iyan, nagbibigay si Pablo ng ilang mapagkukunan ng lakas upang makapanatili kang positibo at masaya sa mahihirap na panahon.

Una, kailangan mong tumuon sa perspektibo ng Diyos sa iyong mga problema. Sabi ni Pablo, “Nalalaman ko.” Ang nalalaman mo ang nag-uudyok sa'yong magpatuloy. Alam ni Pablo na ang Diyos ay gumagawa sa gitna ng kanyang pakikibaka, at tumuon siya sa mas malawak na perspektibo ng Diyos

Ikalawa, may mga taong nananalangin para kay Pablo, at nakatulong itong makapagpatuloy siya. Nabanggit din niya ang pag-asang dulot sa kanya ng “kapuspusan ng Espiritu ni Cristo.” Ang Espiritu Santo ay nagpasulong din sa kanya. At sabi pa niya sa huli, “ang kahihinatnan nito'y sa aking ikaliligtas.” May pananampalataya si Pablo na gumagawa ang Diyos upang mauwi sa mabuti ang kanyang problema.

Dahil taglay niya ang perspektibo ng Diyos, ang mga panalangin ng mga kaibigan, ang Espiritu Santo, at pananampalataya, pinili ni Pablo ang “ako'y magagalak.”

Nasa iyo ang pagpipiling magalak.