Kunin ang AppMahalin Nang Lubos ang Diyos: Takot & KabalisahanHalimbawa
Mahal na mahal tayo ng Diyos Ama na isinugo Niya ang Kanyang Anak upang mamatay para sa atin. Ang kadakilaan ng Kanyang pag-ibig ay hindi kayang arukin.
Masusumpungan natin ang kapayapaan sa kaalamang hindi lang tayo mahal ng Diyos, ngunit gusto Niya rin tayo. Nagagalak Siya sa relasyon natin. Siya ay nagagalak sa atin! Ang pag-ibig Niya ay nagbibigay sa atin ng lugar ng kaaliwan, kalakasan at katatagan. Wala tayong maaaring gawin upang mabawasan ang pag-ibig Niya sa atin. Kahit mabigo natin ang Diyos, ang pag-ibig Niya ay hindi kailanman magwawakas.
Binibigyan tayo ng pag-ibig ng Diyos ng kakayahang hindi matakot. Hindi natin kailangang katakutan ang Kanyang pag-ayaw o pagtanggi. Hindi natin kailangang mamaluktot sa hiya kapag nanghihina tayo. Bagkus, maaari nating ituring na matagumpay ang ating buhay dahil pag-ibig Niya ang nagtataglay sa atin. Kapag nagsisimula tayong mangambang hindi sapat ang ating paggawa para sa Kanya, tandaang higit na tayo sa sapat dahil lang sa tayo ay Kanyang mga anak.
Diyos Ama, salamat sa Iyong pagmamahal. Salamat dahil una Mo akong inibig, noong hindi pa Kita kayang ibigin. Pinupuri Kita sa pagsugo Mo sa Iyong Anak bilang halimbawa ng pag-ibig. Tulungan akong palitan ang aking takot ng katotohanan. Sa pangalan ni Jesus, amen.
Banal na Kasulatan
Tungkol sa Gabay na ito
Ikaw ba ay naghahanap ng ginhawa mula sa takot at kabalisahan? Sa 6-na-linggong pag-aaral na ito, tutuklasin natin ang sinasabi ng Diyos patungkol sa takot at kabalisahan. Matututunan natin kung paano ito labanan sa pamamagitan ng Kanyang Salita. Masusumpungan natin ang kalayaang hinahanap ng ating mga puso at ang kapayapaang kailangan ng ating mga isipan. Kung ang Diyos ay panig sa atin at ang Kanyang mga Salita ay nasa ating mga puso at isipan, mapagtatagumpayan natin ang ating mga takot!
More
