In Our Place: Mga Debosyong Pang-Kuwaresma Mula sa Time of GraceHalimbawa

Anong ibig sabihin ng "Maundy"? Nagsimula ang gabi ng pagdakip at paghatol kay Jesus ng mga Judio at Romano sa isang taunang pagkain sa paggunita ng Paskwa sa isang itaas na silid sa Jerusalem. Sinamantala ni Jesus ang mga ginintuang malayang sandaling iyon para magturo. Marami sa mga sinabi at ginawa niya ang gumulat sa mga alagad: yumukod siya at hinugasan ang kanilang mga paa, sinaad ang tungkol sa kamatayan at muling-pagkabuhay, at winikang: "Isang bagong utos ang ibinibigay ko sa inyo ngayon, mag-ibigan kayo! Kung paano ko kayong inibig, gayundin naman, mag-ibigan kayo.Isang bagong utos ang ibinibigay ko sa inyo ngayon, mag-ibigan kayo! Kung paano ko kayong inibig, gayundin naman, mag-ibigan kayo." (Juan 13:34). Sa simula nang kanilang pagsasanay sinabi niyang ang tanda ng isang tunay na mananampalataya ay ang pagkapit sa Salita ng Diyos. Ngayo'y dinagdagan niya ng "bago" na hindi naman talaga bago subalit magpakailanman: "Ibigin ninyo ang isa't-isa." Bago ito dahil tayo'y likas na makasarili sa isip, salita at gawa. Gaya nang grasya ni Cristong sariwa bawat umaga, nagbibigay ng panibagong pagpapatawad, maari din nating piliing pakitunguhan ang iba gaya ng pakikitungo ni Cristo sa atin--matiyaga, matatag, lubos na pag-ibig. Ito ang salitang Latin para sa "kautusan" "mandatum," na marahil ay ang pinanggalingan ng pangalan ng espesyal na Huwebes bago ang kamatayan ni Jesus. Sa pagninilay natin sa pambihirang gabing iyon at sa mga tagpo ng Kordero ng Diyos na kumakain ng Paskuwa kasama ang mga kaibigan, buong kababang-loob na hinihugasan ang kanilang mga paa, at inihahayag ang misteryo ng salita ng Diyos para sa kanilang kaginhawahan, tayo's lubos na inspirado. Inspiradong umibig.