Kunin ang AppMagsimula rito | Mga Unang Hakbang kasama si JesusHalimbawa
Marcos 12-13 | Para sa Pag-ibig ng Diyos
Maligayang pagbabalik sa lahat. Ngayon ay tumatalakay tayo ng dalawang paksa na magkasalungat: relihiyosong pagkukunwari at walang pasubaling pag-ibig. Ang pagkakaiba sa pagitan ng dalawang iyon ay kapansin-pansin pa rin mula noon hanggang ngayon. Ang pagkukunwari ay nagtutulak sa atin palayo sa relihiyon dahil sa pagkasuya - ngunit ang pambihirang pag-ibig ng Diyos ay tumatawag sa atin pabalik. Ngunit paano natin ipagkakasundo ang gayong paghahati?
Dito sa ebanghelyo ni Marcos, ang mismong dibisyong iyon ang mabilis na naghahatid sa ating kuwento sa pinakamahalaga. Isang linggo na nating sinusubaybayan ang kuwento ni Jesus, ngunit para sa mga disipulo, tatlong taon na ang lumipas, at dinala tayo ng Marcos 12 sa huling linggo ng buhay ni Jesus. Ang tagpo ay sa Jerusalem, at malaking pulutong ang nagtipon mula sa buong Israel upang ipagdiwang ang kapistahan ng Paskuwa.
Ang Paskuwa ay isang relihiyosong pagdiriwang, dahil ginugunita ng mga Judio kung paano sila iniligtas ng Diyos mula sa pagkaalipin at iniligtas sila mula sa kamatayan sa pamamagitan ng dugo ng isang kordero. Sa ngayon, alamin lamang na ang lungsod ay puno para sa pagdiriwang, at lahat ay may sinasabi tungkol kay Jesus. Ngunit ang mga opinyon tungkol kay Jesus ay malalim na nahahati. Marami ang namangha sa Kanyang mga himala at pagtuturo, ngunit galit ang mga pinuno ng relihiyon. Kinamumuhian nila ang habag ni Jesus - hindi nila maintindihan ang Kanyang pagmamahal sa mga makasalanan.
Paano nangyayari na ang ilang mga tao ay maaaring magmukhang tapat sa Diyos ngunit walang pag-ibig? Pinag-aralan nila ang batas ng Diyos, ngunit hindi nakuha ang puntong ito. Tinawag sila ni Jesus na mga mapagkunwari, pinararangalan ang Diyos ng kanilang mga labi habang ang kanilang mga puso ay malayo (Marcos 7:6). Nang dumating si Jesus sa simula ng linggong iyon, nalaman Niyang ginawa nilang isa pang pagkakataon ang Paskuwa para kumuha ng pera sa mga tao.
Para sa akin, ang salungatang ito ay makikita sa malalim na pagkakahati sa gawaing Cristiano hanggang ngayon. Inuutusan tayo ni Jesus na magmahal. Ang mga Cristiano ay dapat na may tanda ng pag-ibig. Gayunpaman, madalas tayong kilala sa pagiging mapanghusga at walang habag na pagkukunwari. Tayo ay katulad ng mga mismong taong pinagsasalitaan ni Jesus. Hindi dapat.
Tungkol sa mga pinuno ng relihiyon, paulit-ulit na inilantad ni Jesus ang kanilang kasakiman at pagmamataas, at ngayon ay naghahanap sila ng paraan para patayin Siya. Sa kabanata 12, hinahamon nila si Jesus ng samu’t saring tanong. Kinukuwestiyon nila ang awtoridad ni Jesus, at sinisikap na linlangin Siya ng ilang mapanlinlang na partikular sa batas ng Diyos. Ang kabalintunaan sa lahat ng ito ay na ang mga lalaking ito na napakatapat sa mga maliliit na bahagi ng batas ng Diyos ay nakaligtaan ang pinakapuso ng batas na iyon.
Gayunpaman, mayroong isa na hindi katulad ng iba. Tingnan ang talata 28:
"Dumating ang isa sa mga tagapagturo ng kautusan at narinig silang nagdedebate. Nang mapansin niyang mabuti ang sagot ni Jesus sa kanila, tinanong niya Siya, "Sa lahat ng mga utos, alin ang pinakamahalaga?'"< /strong>
Magandang tanong.
Sumagot si Jesus, “Ito ang pinakamahalagang utos: ‘Pakinggan mo, Israel! Ang Panginoon nating Diyos ang tanging Panginoon. Ibigin mo ang Panginoon mong Diyos nang buong puso, buong kaluluwa, buong pag-iisip at buong lakas.’" (Marcos 12:29-20)
Kaya ang pinakadakilang utos ay nagsisimula sa paalala na ang Panginoon ay iisa. Ngayon ay itinuturo ng Biblia na ang Ama ay Diyos, si Jesus ay Diyos, at ang Banal na Espiritu ay Diyos. Gayunpaman ang tatlo ay nagkakaisa bilang isang Panginoon. At ang utos ay mahalin ang Diyos sa lahat ng bagay! Nagpatuloy si Jesus:
"Ito naman ang pangalawa, ‘Ibigin mo ang iyong kapwa gaya ng pag-ibig mo sa iyong sarili.’ Wala nang ibang utos na hihigit pa sa mga ito." (Marcos 12:31).
Kaya ang batas ay binubuod sa pag-ibig. Ang kalooban ng Diyos para sa atin ay higit pa sa isang aklat ng mga tuntunin. Ito ay pag-ibig: mahalin ang Diyos, mahalin ang iba. Bersikulo 32:
“‘Magaling, guro,’ sagot ng lalaki. ‘Tama ka’…”
Wow. Sa dami ng mga mapagkunwari, isang tao ang nagtanong ng isang tunay na tanong, at isinasapuso ang sagot. Nagpakita siya ng pagpapakumbaba, at nang makita ni Jesus ang karunungan ng lalaki, sinabi Niya sa kanya, “Hindi ka malayo sa kaharian ng Diyos.”
Ngayon tingnan ang kaibahan. Ang mga mapagkunwari ay nagsalita tungkol sa batas na ang kanilang mga puso ay malayo sa Diyos. Ngunit ang taong ito ay napalapitsa kaharian ng Diyos nang maunawaan niya na ang pag-ibig ang pinakapuso ng batas. Mahalin ang Diyos at mahalin ang iba.
Ang pag-ibig kung saan tinawag tayo ni Jesus ay isang rebolusyon. Mahalin ang ating kapwa, mahalin ang mga makasalanan, mahalin ang ating mga kaaway. Magmahal nang walang pasubali - na may hindi makatwirang biyaya at nag-uumapaw na awa. Ang ating pinakadakilang mga gawa para sa Diyos ay walang halaga at walang laman kung hindi tayo umiibig (1 Mga Taga-Corinto 13:1-3).
At dito makikita natin ang isa pang bahagi ng kuwentong Cristiano. Mga taong hindi nagpapakita ng paghuhusga, ngunit kahabagan. Sino ang nagsasagawa ng pinakakahanga-hangang mga gawa ng mapagsakripisyong pag-ibig na maiisip - pag-aalaga sa ulila at balo, para sa huli at pinakamababa at hindi napapansing mga tao - anuman ang lahi o paniniwala o relihiyon o kasarian o sekswalidad o anumang bagay. Iniaalay nila ang kanilang buhay. Ang mga taong ito ay nagpahanga sa akin. Nagmamahal lang… sila.
Idinadalangin kong magkaroon ka ng biyaya na makilala ang ilan sa mga taong iyon. Higit kong ipinagdarasal na tayo ay maging ang mga taong ito. At saan tayo matututo ng ganitong uri ng pag-ibig? Patuloy na sundan si Jesus, at malalaman natin ito sa lalong madaling panahon.
Para sa Pagninilay at Talakayan
- Ano ang sinabi ni Jesus na dalawang pinakamahalagang utos? (v. 29-31). Bakit sa tingin mo ay napakahalaga ng dalawang ito?
- May kilala ka bang mga tao na nakatuon sa mga batas ng Diyos ngunit nakakaligtaan ang puso ng pag-ibig ng Diyos? Paano sa tingin mo nangyayari iyon?
- May kilala ka bang mga tao na nagpapakita ng walang pasubaling pag-ibig ng Diyos sa tunay at praktikal na mga paraan? Ibahagi ang kanilang kuwento.
Tungkol sa Gabay na ito
Kung ikaw ay bago kay Jesus, bago sa Biblia, o tumutulong sa isang kaibigan - Mag-umpisa Rito. Sa susunod na 15 na araw, ang mga 5-minutong audio guides na ito ay maghahatid sa 'yo dahan-dahan sa dalawang pangunahing mga aklat sa Biblia: sa Marcos at sa Mga Taga-Colosas. Subaybayan ang kuwento ni Jesus at tuklasin ang mga pangunahing kaalaman sa pagsunod sa Kanya, na may pang-araw-araw na mga tanong para sa indibidwal na pagninilay o panggrupong talakayan. Sundan upang magsimula, at mag-imbita ng kaibigan at sundan muli!
More
