7 Araw ng Paghahanap ng KapahingahanHalimbawa

Narito ang pamatok na hinding-hindi dudurog sa iyo... 

Sabi ni Jesus sa Kanyang Salita, “Lumapit kayo sa akin, kayong lahat na nahihirapan at nabibigatang lubha, at kayo'y bibigyan ko ng kapahingahan. Pasanin ninyo ang aking pamatok at sundin ninyo ang aking mga itinuturo sapagkat ako'y maamo at mapagkumbabang loob. Matatagpuan ninyo sa akin ang kapahingahan.”(tingnan ang Mateo 11:28-29)

Ano ang pumapasok sa isip mo kapag naiisip ang salitang “pamatok”?

Sa marami, ang salitang ito ay may negatibong kahulugan, nagpapaalala ng pagkaalipin o mabigat na dalahin, maging ito ay patungkol sa relihiyon, propesyon o usaping pamilya…

Nakita natin dalawang araw nang nakakaraan na ang kahulugan nito ay isang dalahing mabigat at mapagpahirap.

Ngunit binibigyan tayo ni Jesus ng ibang-iba na pakahulugan: At sinabi ni Jesus, ““Lumapit kayo sa akin, kayong lahat na nahihirapan at nabibigatang lubha, at kayo'y bibigyan ko ng kapahingahan. Pasanin ninyo ang aking pamatok at sundin ninyo ang aking mga itinuturo sapagkat ako'y maamo at mapagkumbabang loob. Matatagpuan ninyo sa akin ang kapahingahan sapagkat madaling dalhin ang aking pamatok at magaan ang pasaning ibinibigay ko sa inyo.”” (Mateo 11:28-30)

Sa katunayan, ang pamatok na tinutukoy ni Jesus ay ang uring pinagsasama ang dalawang mga baka para makapag-araro silang magkasama.

Isipin mo ang iyong sarili na konektado, kasama ni Jesus: Siya ang nagbubuhat at nagbubuhat sa iyo, Siya ang humihila at humihila sa iyong pasulong, Siya ang umaabante at tumutulong sa iyong umabante.

Ang pamatok ni Jesus ay tulad ng mga palikpik ng isda. Ang pamatok Niya ang siyang nagbibigay sa atin ng kakayahang kumilos pasulong. Ang pamatok ng mundo ay maaaring pumigil sa iyo, ngunit ang pamatok ni Jesus ay dadalhin ka nang mas malayo kaysa kaya mong isipin. Kapag kasama mo si Jesus, maging ang pinapasan mo ay pumapasan sa iyo.

Salamat at narito ka!