Kunin ang App7 Araw ng Paghahanap ng KapahingahanHalimbawa
May lunas kung ikaw ay nahihirapan...
Sinabi ni Jesus, at ito'y nasusulat sa Kanyang Salita, ““Lumapit kayo sa akin, kayong lahat na nahihirapan at nabibigatang lubha sa inyong pasanin, at kayo'y bibigyan ko ng kapahingahan. Pasanin ninyo ang aking pamatok at sundin ninyo ang aking mga itinuturo sapagkat ako'y maamo at mapagkumbabang loob. Matatagpuan ninyo sa akin ang kapahingahan.”” (tingnan ang Mateo 11:28-29)
May lunas sa iyong paghihirap, at ang lunas na ito ay matatagpuan sa Kanya na hindi kailanman napapagod.
Ang mga salita ni Jesus sa Mateo 11 ay imbitasyon na lumapit ka anuman ang iyong kalagayan. Isang imbitasyon na makatanggap ng kapahingahan malapit sa Diyos.
Narito ang sinasabi ng Biblia patungkol sa Diyos: “Hindi ba ninyo nalalaman, di ba ninyo naririnig? Na itong si Yahweh, ang walang hanggang Diyos, ang siyang lumikha ng buong daigdig? Hindi siya napapagod; sa isipan niya'y walang makakaunawa. Ang mahihina't mga napapagod ay kanyang pinapalakas.” (tingnan ang Isaias 40:28-29)
Oo, Siya ay makapangyarihan sa lahat, walang hanggan, walang katapusan, di masusukat ang kadakilaan. Matatagpuan mo sa Kanya ang lahat ng iyong kailangan ngayon...wala ni isang alalahanin mong hindi Niya kayang solusyunan. Ipagkatiwala mo sa Kanya ang iyong paghihirap, at kapalit nito, angkinin mo ang lahat ng kung sino Siya...ang Kanyang kabutihan, Kanyang katiyagaan, Kanyang kalakasan, Kanyang pagkamalikhain, Kanyang kapangyarihan.
Ngayon, inaanyayahan kitang gawin ang isang bagay: isulat mo ang lahat ng nagpapahirap sa iyo...pisikal, mental, o emosyonal. At katabi nito, isulat mo ang lahat ng ipinagkakaloob ng Diyos na makakatulong sa'yong harapin ang kapagurang ito! Ngayon, humugot ng kalakasan mula sa Kanya, at hayaan Siyang ibuhos sa iyo ang kasaganahang inihanda Niya para sa'yo!
Salamat at narito ka!
Eric Célérier
P.S. Ang mga teksto sa babasahing ito ay mula sa araw-araw na email ng A Miracle Every Day. Kung nais mong makatanggap ng email araw-araw, inaanyayahan kitang mag-subscribe sa A Miracle Every Day . Sa pag-subscribe, makakatanggap ka ng E-book!
Banal na Kasulatan
Tungkol sa Gabay na ito
Ang gabay sa pagbabasa na ito tungkol sa 'paghahanap ng kapahingahan' ay nababatay sa mga salita ni Jesus sa Mateo 11:28-29. Ipinangako ni Jesus na kung lalapit ka sa Kanya, makakatagpo ka ng kapahingahan. Ang layunin ng mga mensaheng ito ay ang tulungan kang matagpuan ang tunay na kapahingahan, ito man ay pisikal, mental, o emosyonal. Simulan natin ang seryeng ito!
More
