Ang Tibok ng Puso ng DiyosHalimbawa

TAGAPAGLAAN

Genesis 22: 8

O Diyos, Ikaw ang Tagapaglaan. Magiliw Mong itinalaga ang tupa sa palumpong, sa Iyong oras at sa Iyong paraan! Patawarin Mo ako kapag tinatanong ko ang Iyong tiyempo at pinagdududahan ko ang Iyong mga paraan. Ipaalala Mo sa akin na Ikaw ang dahilan kung bakit ang lahat ng bagay ay naisasaayos para sa kabutihan ng mga nagmamahal sa Iyo at tinawag alinsunod sa Iyong layunin. O Diyos, minamahal Kita! At nais kong matupad ang Iyong mga kagustuhan sa aking buhay. Kaya habang matiyaga akong naghihintay, sabik din akong mag-aabang. At sa ganitong tahimik na lugar ng pagtitiwala sa Iyo lamang, aalalahanin ko ang Iyong pagkakaloob sa amin ng Iyong bugtong na Anak, ang isinakripisiyong tupa. O Jesus, Ikaw ang "tupa sa palumpong! Salamat sa Iyo, kalugod-lugod na Tagapagligtas, sa pagkuha Mo ng lugar ko sa altar. Ipinagkaloob Mo ang kaligtasan ng aking kaluluwa! O Diyos, pinupuri Kita; ang aking pananampalataya ay pinalakas: kung hindi Mo ipinagkait ang Iyong sariling Anak, kundi ibinigay Mo Siya para sa aming lahat, papaanong hindi Mo rin maibibigay kasama Niya ang lahat ng bagay para sa amin? Oo, ibibigay Mo ang lahat ng aking mga pangangailangan, sa Iyong perpektong panahon at sa Iyong walang kamaliang mga paraan! Kaya, aking kaluluwa, maghintay nang tahimik para sa Diyos lamang, sapagkat ang aking pag-asa ay mula sa Kanya. Salamat, Ama, ngayon pa lamang, para sa Iyong magagandang probisyon para sa bawat pangangailangan ko.

© Chris Baxter 2014 Ð Clear Day Publishing