Ang Tibok ng Puso ng DiyosHalimbawa

KALAKASAN AT AWIT

Exodo 15: 2

O Diyos, Ikaw ang Aking Kalakasan at Awit! Hindi ako mabubuhay kung wala Ka; Ikaw ang tibok ng puso ng aking buhay - Ikaw ang aking hininga. Hayaan Mong huminga ako nang malalim, O Diyos, malalim sa Iyong mga hiwaga, malalim sa Iyong pag-ibig. Patuloy Mong buksan ang aking mga mata sa mga kayamanan ng Iyong maluwalhating pamana sa mga banal at sa napakalaking kadakilaan ng Iyong kapangyarihan na ibinigay sa mga naniniwala sa Iyo. Mahal na Panginoong Jesus, naniniwala ako! Mapagpakumbaba kong pinasasalamatan Kayo na pinalakas ako ng Iyong kapangyarihan sa pamamagitan ng Iyong Espiritu na nasa akin! Muli, sinasabi ko salamat sa Iyo ng buong puso, ";Minamahal Kita, Oh Panginoon, aking kalakasan ... Ikaw ang aking lampara, naliliwanagan Mo Panginoon kong Diyos ang aking kadiliman. Sapagka't sa pamamagitan Mo'y magagapi ko ang isang malakas na hukbo, at sa pamamagitan Mo aking Diyos ay kaya kong talunin ang matatas na pader... " oo, ako'y aawit, "Minamahal kita, Oh Panginoon, aking kalakasan!" Salamat, Ama, para sa pagbubuhos ng Iyong pagmamahal sa aking puso sa pamamagitan ng Banal na Espiritu; Ang Iyong pag-ibig ay nananatili sa akin. Pinasasalamatan Kita, at pinupuri Kita! Sapagkat ang Iyong pag-ibig ay naging aking kalakasan at ang aking awit.