Oswald Chambers: Kagalakan - Kalakasan sa PanginoonHalimbawa

Ang biyaya ng Diyos ay bumabagsak, katulad ng Kanyang ulan, sa masasama man at sa mabubuti rin. Ang kahanga-hangang biyaya ng kalusugan, katalinuhan, kasaganaan ay pawang nagmumula sa Kanyang nag-uumapaw na pagpapala, at hindi sa kalagayan ng pagkatao ng tumatanggap dito. Halimbawa, kung ang kalusugan ay isang tanda na ang isang tao ay mabuti sa tingin ng Diyos, wala na tayong makikitang kaibahan sa kung ano ba talaga ang mabuting katangian ng tao, dahil maraming masasamang tao ang may mabuting kalusugan.

Mayroong pagkakaiba ang kapaligiran at ang mga sitwasyon. Ang bawat tao ay may kanya-kanyang kapaligiran; ito ay ang bahagi sa kanyang sitwasyon na angkop sa kanyang kalikasan. Bawat isa sa atin ay gumagawa ng ating sariling kapaligiran, ang ating sariling pagkatao ang gumagawa nito para sa atin. Ang ibig sabihin ng kaligayahan ay pinipili lamang natin ang mga bagay sa ating sitwasyon na magpapasaya sa atin. Ito ang malaking batayan ng huwad na Cristianismo. Hindi mo mababasa sa Biblia ang tungkol sa "masayang" Cristiano; marami itong binabanggit tungkol sa kagalakan. Ang kaligayahan ay nakasalalay sa mga bagay na nangyayari. Ang kagalakan ay hindi naaantig ng mga panlabas na kondisyon.

Mga Katanungang Pagmumuni-munian: Paanong naaapektuhan ng kagipitan ang kagalakan ko? Sinusukat ko ba ang pagmamahal ng Diyos sa pamamagitan ng Kanyang mga pagpapala sa akin?

Ang mga sipi ay mula sa God’s Workmanship and The Shadow of an Agony, © Discovery House Publishers