Oswald Chambers: Kapayapaan - Buhay sa EspirituHalimbawa

Tila tayo kuyog ng mga lamok sa Makapangyarihang Diyos dahil sa ating mabusising mga pag-aalala at pagkaligalig, at sa mga ginuguniguning kalituhan, dahil lang sa ating pagtanggi na makipag-isa sa simpleng buhay kasama ng Diyos na kaloob ni Jesus nang Siya ay dumating. "Ang pagmamahal Niyang ipinamalas noong nakalipas" ay dapat magbigay sa atin ng kakayahang magpahinga nang panatag sa Kanya. May kasiguruhang mula sa nakalipas, kasiguruhang para sa bukas, at kasiguruhang para sa kasalukuyan. Ito ang kaalamang nagbigay sa ating Panginoon ng hindi-matitinag na kapayapaan na Kanyang palaging taglay.

Ang mga komunidad ay pagtatangka ng tao na maitayo ang lunsod ng Diyos; kumpiyansa ang tao na kung bibigyan lamang siya ng Diyos ng sapat na panahon, hindi lamang niya maitatayo ang isang banal na lunsod, kundi isang banal na komunidad at sa pamamagitan nito kapayapaan sa lupa, at pinapahintulutan ng Diyos na ang tao ay may sapat na pagkakataon upang subukan ito, hanggang makumbinsi siya na ang pamamaraan ng Diyos ang tanging pamamaraan.

Mga Tanong sa Pagninilay: Anong mga pag-aalala at pagkaligalig ang labis kong iniiisip na nagpapakita ng aking kawalan ng kapayapaan? Anong mga lipunan at sistema ang itinatayo natin upang mabawasan ang ating pangangailangan para sa mapayapang relasyon sa Diyos?

Mga siping ginamit ay mula sa Biblical Ethics at The Highest Good, © Discovery House Publishers