Oswald Chambers: Kapayapaan - Buhay sa EspirituHalimbawa

Ang maaninag sa akin ang kapayapaan ang pinakadakilang katibayan na ako ay umaayon sa Diyos, sapagkat ako ay malayang ibaling ang aking isipan sa Kanya. Kung hindi ako umaayon sa Diyos hindi ko maibabaling ang aking isip maliban sa sarili ko lamang. Gulong-gulo ka ba ngayon, ginagambala ng malalaking alon na pinahihintulutan ng Diyos? Sa iyong pagsusumakit na lumago sa pananampalataya, hindi mo pa rin ba nasusumpungan ang malalim na kapayapaan o kagalakan o kaginhawahan-lahat ay tigang? Kung gayon ay tumingala ka at tanggapin ang kapanatagan ng ating Panginoong Jesu-Cristo. Higit pa sa mga katotohanan ng digmaan at pagdurusa at paghihirap, Siya ay naghahari, mapayapa.

Bago makapaghatid ng kapayapaan ng isip ang Espiritu ng Diyos, kailangan Niya munang tanggalin ang mga basura, at bago Niya magawa ito, kailangang mabigyan Niya tayo ng ideya ng kung anong basura ang naririyan.

Mga Tanong sa Pagninilay: Ano ang sinasabi ng makasariling mga kaisipan ko tungkol sa aking konsepto ng kapayapaan? Anong mga nakakabalisang kaisipan ang kailangan kong tanggalin bago ako magkaroon ng kapayapaan kasama ng Diyos at ng iba?

Mga siping ginamit ay mula sa Christian Discipline and Servant as His Lord, © Discovery House Publishers