Oswald Chambers: Kapayapaan - Buhay sa EspirituHalimbawa

May mga kahanga-hangang bagay tungkol sa liwanag, ngunit may mga kakila-kilakbot na mga bagay din. Kapag ang liwanag ng Espiritu ng Diyos ay pumasok sa puso sa isang buhay na lubos na masaya at mapayapang walang Diyos, ito ay impiyerno para sa isang iyon. Ang liwanag ay nagdudulot ng pagkalito at kaguluhan. Kapag ang liwanag ay dumating ang lahat ng bagay ng kadiliman ay nanginginig sa takot. Ang gabi ng pagkapagano ay nahahati, hindi sa pamamagitan ng pagkamulat sa kabihasnan, kundi sa pamamagitan ng pagsaksi ng mga taong tapat sa Diyos.

Ginagamit ng ating Panginoon ang mata bilang simbulo ng budhi ng isang tao na napawalang-sala ng Banal na Espiritu. Kung namumuhay tayo ayon sa liwanag, gaya ng pananatili ng Diyos sa liwanag, mapapanatiling nakatuon ang ating mga mata, at dahan-dahan at tiyak na ang lahat ng ating mga gawain ay maitutumpak sa tamang relasyon, at ang lahat ay napupuno ng pagkakaisa at kapayakan at kapayapaan.

Mga Tanong sa Pagninilay: Ano ang ipinahayag ng liwanag ng Panginoon sa akin na nakakalito, nakakapag-pabagabag, o hindi malinaw? Paano nakakatulong ang pagtutuon ng pansin sa Panginoon na palinawin ang malabo, at pag-isahin ang lahat nang may kapayapaan at kapayakan?

Mga siping ginamit ay mula sa So Send I You at Studies in the Sermon on the Mount, © Discovery House Publishers