Oswald Chambers: Kapayapaan - Buhay sa EspirituHalimbawa

Dalawampung siglo na ang nakalipas mula nang si Jesus, ang Prinsipe ng Kapayapaan, ay dumating at ipinahayag ng mga anghel ang kapayapaan sa lupa. Ngunit nasaan ang kapayapaan? Hindi sinasabi ng Bagong Tipan na nagpropesiya ang mga anghel ng kapayapaan: ipinahayag nila ang kapayapaan-kapayapaan sa mga taong nagbibigay ng lugod sa Diyos. Si Jesu-Cristo ay dumating upang ipakita na ang Diyos ay kasama ng tao, at na sa pamamagitan Niya ang sinuman ay maaaring gawin na anak ng Diyos ayon sa halimbawa ni Jesu-Cristo. Ito ang pahayag ng Cristiano.

Ang mga nasa Daan ng Panginoon ay may malinaw na pagkakahawig kay Jesus, ang Kanyang kapayapaan ay bakas na bakas sa kanila. Ang liwanag ng bukang-liwayway ay nasa kanilang mga mukha, at ang kagalakan ng walang hanggang buhay ay nasa kanilang mga puso. Saanman sila pumunta, ang mga tao ay nalulugod o napapagaling, o natatauhan sa kanilang pangangailangan.

Mga Tanong sa Pagninilay: Ang aking presensya ba ay may bakas ng kapayapaan ni Cristo? Sa anu-anong paraan ako nakikilahok sa kapayapaan na ipinahayag ni Cristo? Sa anu-anong paraan ako humahadlang na ito ay mangyari?

Mga siping ginamit ay mula sa The Place of Help, © Discovery House Publishers