Soma Biblia Kila Siku 11/2024Mfano

Swali la Petro lingeweza kuwa swali lako pia! Jambo hili la kumsamehe mtu aliyetukosea linatatiza sana wanadamu na hata Wakristo. Jibu la Yesu ni kwamba kusamehe kwetu kusiwe na mwisho, tena tusamehe kwa moyo.Yesu akamwambia [Petro], Sikuambii hata mara saba, bali hata saba mara sabini(m.22).Fikiria pia Yesu anavyohitimisha mfano wa mtumwa yule asiyetaka kusamehe, bwana wake akampeleka kuadhibiwa mpaka hapo atakapolipa deni lake lote:Ndivyo na Baba yangu wa mbinguni atakavyowatenda ninyi, msiposamehe kwa mioyo yenu kila mtu ndugu yake(m.35). Na zaidi, Yesu anataka wewe uliyekosewa uchukue hatua ya kwanza ya kujaribu kupatanishwa na ndugu yako:Ndugu yako akikukosa, enenda ukamwonye, wewe na yeye peke yenu; akikusikia, umempata nduguyo(m.15). Yatawezekanaje haya? Mfano wa Yesu utakusaidia. Unahitaji sana kukumbuka na kutambua ukubwa wa deni la dhambi zako ambalo Mungu amekusamehe bure kwa neema yake!