Soma Biblia Kila Siku 11/2024Mfano

Wanafunzi wamemkubali Yesu awe namba 1 katika maisha yao wala si pesa au mali. Bila shaka wako pia Wakristo wengi Tanzania ambao wamekubali kujinyima raha fulani ya dunia kwa ajili ya jina la Yesu.Tutapata nini basi(m.27)?Yesu anathibitisha kwamba kweli watapata kitu, tena kitu kikubwa mno: Uraia wa ufalme wa Mungu na utawala pamoja na Yesu! Cheo hiki hakitaonekana sana katika ulimwengu huu. Lakini kitadhihirishwa wazi Yesu atakapoumba ulimwengu mpya! Tafakari Paulo anavyokaza kwamba katika maisha haya Mkristo huteswa pamoja na Yesu, lakini katika ulimwengu mpya tutashiriki utukufu wake:Kama tu watoto, basi, tu warithi; warithi wa Mungu, warithio pamoja na Kristo; naam, tukiteswa pamoja naye ili tupate na kutukuzwa pamoja naye.... Ni neno la kuaminiwa. Kwa maana, Kama tukifa pamoja naye, tutaishi pamoja naye pia; Kama tukistahimili, tutamiliki pamoja naye; Kama tukimkana yeye, yeye naye atatukana sisi(Rum 8:17 na 2 Tim 2:11-12).