Soma Biblia Kila Siku 11/2024Mfano

Ipo shida kubwa mbele za Mungu pale viongozi wanapotumia madaraka yao vibaya. Katika somo la leo, Mfalme Manaseakazimwaga damu zisizo na hatia, nyingi sana, hata alipokuwa ameijaza Yerusalemu tangu upande huu hata upande huu; zaidi ya kosa lake alilowakosesha Yuda, kutenda yaliyo mabaya machoni pa Bwana(m.16). Na mrithi wake aliyeitwa Amoni akaendeleza kuzisujudia sanamu, akafanya yaliyo maovu machoni pa Bwana, kama Manase babaye alivyofanya. Akaiendea njia yote aliyoiendea baba yake, akazitumikia sanamu alizozitumikia baba yake, akaziabudu. Akamwacha Bwana, Mungu wa babaze, wala hakuiendea njia ya Bwana(m.20-22). Alifanya hivyo ingawa alimfahamu Bwana na jinsi babu yake alivyosaidiwa na Bwana dhidi ya Waashuru. Kama ilivyoandikwa katika 19:35,Malaika wa Bwana alitoka, akakiingia kituo cha Waashuri, akawapiga watu mia na themanini na tano elfu. Na watu walipoondoka asubuhi na mapema, kumbe! Hao walikuwa maiti wote pia. Amon aliona pia baba yake mzazi kujinyenyekeza kwa Bwana,lakini mwenyewehakujinyenyekeza mbele za Bwana, kama Manase babaye,bali alimwacha Mungu. Hatahuyo Amoni akaongeza makosa juu ya makosa(2 Nya 33:23). Tunapopewa madaraka tujue yametoka kwa Mungu na hivyo tutumike tukimtanguliza Mungu.