Soma Biblia Kila Siku 06/2024Mfano

Mtume Paulo ni mfano mzuri wa mafundisho ya kumfuata Yesu Kristo katika mwenendo na imani. Timotheo anahimizwa kukaa katika kweli na mafundisho aliyoyapokea tangu utoto wake. Anajua ni akina nani waliomfundisha vizuri. Aliyapokea kwa watu waadilifu na wenye imani thabiti. Ni baraka kubwa kujaa Neno la Mungu tangu utotoni na kuendelea nalo hata katika uzee, kama ilivyoandikwa katika Mit 22:6:Mlee mtoto katika njia impasayo, Naye hataiacha, hata atakapokuwa mzee. Kila andiko la Biblia lina pumzi ya Mungu. Kwa hiyo lafaa kwa mafundisho, kuonya watu makosa yao, kuwaongoza na kuwaadibisha.