Soma Biblia Kila Siku / Oktoba 2023Mfano

Kitabu cha Mithali kinaanza na agizo la kumcha Bwana. Yaani,kumcha Bwana ni chanzo cha maarifa(1:7); na kinakamilisha ujumbe wake na picha ya mwanamke awajibikaye kutimiza amri hii. Sifa za mke huyu ni bidii ya kazi, heshima kwa mumewe, maono, kufariji, kujali wahitaji, na hekima katika matumizi ya mali. Sifa hizizikiambatana na hofu kwa Munguhuleta furaha, heshima, fanaka na thamani kwa mke huyu kwanza, kisha kwa wote wanaohusiana naye. Mithali zinatuhekimisha, zikituongoza katika kuamua na kisha kuishi apendavyo Mungu.