Soma Biblia Kila Siku/ Machi 2023Mfano

Mambo mawili ni wazi: 1. Kwa kila anayemwamini Yesu kumeandaliwa mahali kwa Mungu Baba Mbinguni (m.2-3,Nyumbani mwa Baba yangu mna makao mengi; kama sivyo, ningaliwaambia; maana naenda kuwaandalia mahali. Basi mimi nikienda na kuwaandalia mahali, nitakuja tena niwakaribishe kwangu; ili nilipo mimi, nanyi mwepo)! Yesu anasisitiza: Mna makao mengi. Yaani, usiwe na mashaka! Ameshaandaa mahali kipekee kwa ajili yako. Ni kama ilivyo hapa duniani unapoalikwa kwenye sherehe. 2. Njia ya kufika Mbinguni ni moja! Yesu akamwambia, Mimi ndimi njia, na kweli, na uzima; mtu haji kwa Baba, ila kwa njia ya mimi (m.6). Mtu asipokubali kumkiri Yesu Kristo alivyoshuhudiwa katika Biblia, hawezi kuingia uzimani. Maana hakuna wokovu katika mwingine awaye yote, kwa maana hapana jina jingine chini ya mbingu walilopewa wanadamu litupasalo sisi kuokolewa kwalo (Mdo 4:12)!