Soma Biblia Kila Siku Aprili/2022Mfano

Paulo anafafanua kwa undani zaidi yale tuliyojifunza jana. Anaeleza uhusiano ulioko kati ya neema ya Mungu na maisha tunayoishi.Neema ya Mungu imefunuliwa; nayo yatufundisha kukataa ubaya na tamaa za kidunia; tupate kuishi kwa kiasi, na haki, na utauwa(m.11-12).Neema gani? Hebu rudia tena neno hili kuhusu Kristo Yesu, Mungu mkuu na Mwokozi wetu:Alijitoa nafsi yake kwa ajili yetu, ili atukomboe na maasi yote, na kujisafishia watu wawe milki yake mwenyewe, wale walio na juhudi katika matendo mema(m.14). Yatufundisha kwa njia gani?1.Akili yetu: kama tumetambua kuwa maovu ni maovu na tumeokolewa nayo, ni upumbavu kuendelea kuyatenda (3:3-4, Maana hapo zamani sisi nasi tulikuwa hatuna akili, tulikuwa waasi, tumedanganywa, huku tukitumikia tamaa na anasa za namna nyingi, tukiishi katika uovu na husuda, tukichukiza na kuchukiana.Lakini wema wake Mwokozi wetu Mungu, na upendo wake kwa wanadamu, ulipofunuliwa, alituokoa)!2. Moyo wetu: umekuwa mpya, maana Roho Mtakatifu yu ndani yake. Na hiisi kwa sababu ya matendo ya haki tuliyoyatenda sisi; bali kwa rehema yake, kwa kuoshwa kwa kuzaliwa kwa pili na kufanywa upya na Roho Mtakatifu; ambaye alitumwagia kwa wingi, kwa njia ya Yesu Kristo Mwokozi wetu(3:5-6).Na tumaini halitahayarishi; kwa maana pendo la Mungu limekwisha kumiminwa katika mioyo yetu na Roho Mtakatifu tuliyepewa sisi(Rum 5:5)!