Soma Biblia Kila Siku Aprili/2022Mfano

Imesemekana kwamba mchungaji mmoja aliwaambia Wakristo: "Myafuate yale ninayosema, lakini msifuate ninayotenda." Msimamo kama huu umepotoka, na ni kinyume kabisa cha neno la leo. Neno lasema k.mf.:Katika mambo yote ukijionyesha wewe mwenyewe kuwa kielelezo cha matendo mema(m.7)... wayapambe mafundisho ya Mwokozi wetu Mungu katika mambo yote(m.10).Neno linatukumbusha tena kuwa,ikiwa mtu hakushitakiwa neno, naye ni mume wa mke mmoja, ana watoto waaminio, wasioshitakiwa kuwa ni wafisadi wala wasiotii. Maana imempasa askofu awe mtu asiyeshitakiwa neno, kwa kuwa ni wakili wa MUNGU; asiwe mtu wa kujipendeza nafsi yake, asiwe mwepesi wa hasira, asiwe mlevi wala mgomvi, asiwe mpenda mapato ya aibu. bali awe mkaribishaji, mpenda wema, mwenye kiasi, mwenye haki, mtakatifu, mwenye kudhibiti nafsi yake(1:6-8). Kiongozi asipokuwa na mwenendo unaopatana na mafundisho yake, anampa yule mwovu nafasi ya kujiinua. Kwa hiyo katika m.8 tunaambiwa tuyashikemaneno yenye uzima yasiyoweza kuhukumiwa makosa, ili yule mwenye kupinga atahayarike, kwa kuwa hana neno baya la kunena juu yetu. Je, umelitii agizo hili?