Soma Biblia Kila Siku Februari/ 2022Mfano

Wale wote ambao wamejitoa kwa Mungu, amewakomboa kutoka katika kufuata mapenzi ya shetani (2:1-2,Nanyi mlikuwa wafu kwa sababu ya makosa na dhambi zenu; ambazo mliziendea zamani kwa kuifuata kawaida ya ulimwengu huu, na kwa kumfuata mfalme wa uwezo wa anga, roho yule atendaye kazi sasa katika wana wa kuasi). Sasa wanaishi katika mapenzi ya Mungu. Hivyo wameingizwa katika vita iliyopo kati ya Kristo na shetani. Somo la leo latufundisha kuhusu adui wetu. Kushindana kwetu si juu ya wanadamu, bali ni juu ya falme na mamlaka ya giza, yaani juu ya enzi zile zisizoonekana zilizo katika ulimwengu wa roho (m.12,Kwa maana kushindana kwetu sisi si juu ya damu na nyama; bali ni juu ya falme na mamlaka, juu ya wakuu wa giza hili, juu ya majeshi ya pepo wabaya katika ulimwengu wa roho). Enzi hizo zina nguvu, ni ovu, zinatoa giza na hazipendi nuru, na zinaongozwa na shetani.Kwa sababu hiyo twaeni silaha zote za Mungu, mpate kuweza kushindana siku ya uovu, na mkiisha kuyatimiza yote, kusimama(m.13).