Soma Biblia Kila Siku Oktoba 2021Mfano

Watu wakatoka waende nyikani ili kupigana na Israeli; na vita vikatokea ndani ya msitu wa Efraimu (m.6). Kweli Daudi alikuwa amepata muda wa kujiandaa, maana jeshi lake ndilo lililoanzisha mapigano! Na maneno yake ya m.5 akiwaamuru Yoabu na Abishai na Itai, yanaonyesha kwamba alitegemea watashinda! Akasema, Mtendeeni yule kijana, Absalomu, kwa upole kwa ajili yangu.  Kuhusu Itai, Mgiti (m.2), unaweza kusoma habari zake zaidi katika 2 Sam 15:19-22. Msitu wa Efraimu ni eneo lililokuwepo kwa upande wa mashariki wa mto Yordani na kwa upande wa kusini wa mto Yaboki. Ni eneo lenye mashimo na makorongo mengi sana. Hali hiyo inaeleza kwa sehemu habari ya m.8 inayosema, siku ile huo msitu ukala watu wengi kuliko wale walioliwa na upanga.