Soma Biblia Kila Siku Oktoba 2021Mfano

Yoabu hakupenda Ahimaasi alete habari ya kifo cha Absalomu kwa Daudi. Ahimaasi, mwana wa Sadoki, akamwambia Yoabu mara ya pili, Haidhuru, tafadhali nipe ruhusa, nipige mbio na mimi nyuma ya huyo Mkushi. Naye Yoabu akasema, Mbona wewe unataka kupiga mbio, mwanangu? Kwa maana hutapata kitu kwa habari hizo unazopeleka (m.22-23). Huenda aliogopa kwamba atakayepeleka habari hii atauawa na Daudi kama ilivyotokea kwa wengine huko nyuma (1:13-16 na 4:9-12)! Lakini safari hii Daudi hakufanya hivyo, maana Absalomu hakuwekwa na Mungu, bali alijichukulia mwenyewe mamlaka. Alijua ni haki Absalomu afe; ila moyo wake wa ubaba ulishindwa kukubali jambo hili maana alimpenda sana: Laiti ningalikufa badala yako, Absalomu, mwanangu (m.33)!