Soma Biblia Kila Siku Juni 2021Mfano

Farao mhusika alijiita “mwenye mkono wa nguvu”. Lakini Mungu ameshavunja mkono wake mmoja, na jeshi la Misri litashindwa hata mara nyingine. Wamisri wanatawanywa na kuangushwa kwa mkono wa mfalme wa Babeli. Hivyo wote wajue kwamba Mungu hafurahishwi na yeyote anayejiinua. Tuelewe kuwa hekima ya Mungu iko juu sana. Atamtumia yeyote kuyatimiza makusudi yake. Tusijitukuze kwa sababu ya ‘kimo’ na tusisimame katika ‘kimo chetu kirefu’ (neno hili la tamathali linapatikana katika m.14: Mti wo wote, ulio karibu na maji, usijitukuze kwa sababu ya kimo chake, wala usitie kilele chake kati ya mawingu, wala mashujaa wake wasisimame katika kimo chao kirefu). Msaada unatoka kwa Mungu pekee.