Soma Biblia Kila Siku Februari 2021Mfano

Ibrahimu aliwapokea wageni kwa ukarimu sana. Hili lilikuwa jambo la kawaida wakati ule kwa wafugaji waliohamahama na kuishi katika mahema. Waliomtembelea ni Bwana mwenyewe pamoja na malaika wawili (taz. 19:1), lakini kwanza Ibrahimu aliwatambua tu kama wanaume watatu (m.2,Akaona, na tazama, watu watatu wamesimama mbele yake. Hiyo inathibitishwa katika Ebr 13:2, Msisahau kuwafadhili wageni; maana kwa njia hii wengine wamewakaribisha malaika pasipo kujua). Kwa mara ya pili Bwana alisisitiza kwa Ibrahimu kuwa uzao aliomwahidi kupata ni kwa mke wake Sara wala si kwa mwingine! Sara naye akacheka. Lakini baada ya Bwana kumfundisha, kwanza alielewa amekosea (m.15,Akakana Sara, akisema, Sikucheka, maana aliogopa), kisha akaamini: Kwa imani hata Sara mwenyewe alipokea uwezo wa kuwa na mimba; alipokuwa amepita wakati wake; kwa kuwa alimhesabu yeye aliyeahidi kuwa mwaminifu(Ebr 11:11).