Soma Biblia Kila Siku Januari 2021Mfano

Mambo mengi yanawasumbua wana wanaomtumaini Mungu. Mazomeo na dhihaka kutoka kwa watu wasioamini huwalenga ili yamkini waache kumwamini na kumtegemea Mungu. Lakini Mungu huwafanyia nini wote wanaotegemea? Zingatia ulivyosoma katika m.3, Wewe, Bwana, U ngao yangu pande zote, Utukufu wangu na mwinua kichwa changu. Hakika Bwana yu karibu sana na wote wamtumainiao. Huwahakikishia wokovu, malazi salama, usingizi mnono, na kuamka salama. Hata wawapo katikati ya maadui wengi, wamtumainiao Bwana hawana sababu ya kuhofu chochote, maana wokovu una Bwana. Rudia m.6-8, ukiyatumia maneno katika sala yako, Sitayaogopa makumi elfu ya watu, Waliojipanga juu yangu pande zote.Bwana, uinuke, Mungu wangu, uniokoe, Maana umewapiga taya adui zangu wote; Umewavunja meno wasio haki.Wokovu una Bwana; Baraka yako na iwe juu ya watu wako.