Soma Biblia Kila Siku Januari 2021Mfano

Ni vema kukaa bila kuoa au kuolewa kama tuna kipaji hiki. Vilevile ndoa ni baraka ya Mungu. Hali zote zina maandalio ya kuishi na Mungu milele, kama tukishika tu amri ya Mungu kwetu. Ndoa ni agano la kudumu kati ya mume na mke. Agano hili linamhusisha Mungu na wale wanaooana. Ndoa ya Kikristo haivunjwi na mamlaka ya kidunia. Wajibu wa Kikristo katika ndoa ni kumtegemea na kumwamini Kristo. Ndiye asili ya uhai wetu na chanzo cha ndoa idumuyo.