Soma Biblia Kila Siku Januari 2021Mfano

Kama mtu akimpokea Kristo baada ya kuoa au kuolewa, lakini mwenzake hataki, mtu huyo afanyeje? Kwa Mkristo ndoa ni agano la kudumu. Hawezi kumpa talaka mwenzake. Achukue nafasi aliyopewa sasa ya kuwa mjumbe wa Injili kwa ndugu huyo ili yamkini amwone Kristo. Asiogope kwa watoto wao. Mungu atawapokea kama awapokeavyo watoto wa ndoa ya Kikristo. Ila kwa ajili ya amani, akubali mwenzake akimpa talaka. Maana katika hali hiyo ni vigumu kumvuta huyo mwenzi amwamini Kristo.