Soma Biblia Kila Siku Januari 2021Mfano

Somo la leo lina utabiri juu ya Bwana Yesu, jinsi wanadamu walivyojipanga pamoja na watawala kumkataa na hatimaye kumwua. Tangu Adamu alipoasi, wanadamu wamekuwa na hali ya uasi dhidi ya Mungu. Maisha yao hujazwa hali ya kujitegemea (m.2,  Wafalme wa dunia wanajipanga, na wakuu wanafanya shauri pamoja). Mungu hughadhibikia hali hiyo kwa namna mbili: 1) Hasira yake inawaka juu ya uasi huo (Rum 1:18, Ghadhabu ya Mungu imedhihirishwa kutoka mbinguni juu ya uasi wote na uovu wa wanadamu waipingao kweli kwa uovu). 2) Mungu amemtawaza Mwana wake, Kristo Yesu. Ni maana ya Mimi leo nimekuzaakatika m.7. Kila anayemkataa Yesu kuwa mfalme wake, atahukumiwa na Mungu kwa hasira.