Jolt ya FurahaMfano

Hakujatokea katika kumbu kumbu za historia jeshi lililokuwa limejiandaa kama la Yehoshafati katika nchi ya Yuda. Walimtazama Bwana! Walidumu katika nyumba ya Bwana! Walifunga na kuomba! Walianguka kifudifudi kumwabudu Bwana! Walipiga kelele za ushindi hata kabla vita haijaanza!

Wakati watu chini ya utawala wa Yehoshafati walikuwa wakiimba na kusifu, Mungu alikuwa anawapigania. Kanuni za Mungu hazibadiliki kama utatumia maisha yako kuimba na kusifu, Mungu atafanya kazi ya kukupigania. Je, unaamini hilo? Kama unaamini, utatumia muda wako mwingi kuabudu na muda mchache kuhofia. Kama kweli unaamini kanuni hii kutoka katika kitabu cha 2 Mambo ya Nyakati, utatumia muda wako mwingi katika kusifu kuliko kusengenya.

Tunapofuata kanuni za Mungu jinsi zinavyopatikana katika Biblia, siku zote tutakuwa zaidi ya washindi kwa kuwa tunamtumikia Mungu ambaye siku zote hutuongoza kwenye ushindi.

Watu katika taifa hili lililozungukwa na maadui walitumia siku tatu wakikusanya nyara na hata hivyo zilikuwa zaidi ya uwezo wao wa kubeba. Mungu ni mwingi wa rehema kwa wale wanaoliitia jina lake katika hali za kukatisha tamaa za maisha yao. Siku zote Mungu atafanya zaidi ya maombi na matarajio ya watu wake tunapochagua kumwabudu kuliko kulia.

Watu walirudi Yerusalemu kwa furaha... walipata amani ya jabu... na Mungu akawapa kupumzika kutoka pande zote. Kulikuwa na furaha izidio baada ya hapo, sivyo?!