Soma Biblia Kila Siku 04/2020Mfano

Roho wa Mungu hushuhudia pamoja na roho za wanaomwamini Yesu kwamba ni wana wa Mungu (Rum 8:16; Roho mwenyewe hushuhudia pamoja na roho zetu, ya kuwa sisi tu watoto wa Mungu). Je, maana yake ni kwamba hata kama watateseka katika mwili, na watu watawaongezea maumivu kwa maneno ya kuvunja moyo, wahanga wa majaribu hubaki na faraja kubwa mioyoni mwao wakitambua uhusiano wao na Mungu ni imara? Hakika Ayubu hakujitambua hivyo. Hata anasema ni Mungu aliyemtendea vibaya zaidi (m.6, Jueni basi kuwa Mungu amenipotosha, na kunizingira kwa wavu wake). Lakini hata katika hali hii, Ayubu anaendelea kumkimbilia Mungu na kumlilia. Tufuate mfano wake.