Soma Biblia Kila Siku 11Mfano

Yohana anaonyeshwa jinsi mambo yote yatakavyokuwa mapya. Tunajua kwamba Mungu hakai na wenye dhambi. Kwamba maskani yake sasa ni pamoja na wanadamu (m.3) inadhihirisha kwamba watu wamekuwa watakatifu. Imekuweje? Angalia katika m.5 ni nani anayefanya kila kitu kiwe kipya! Imeandikwa, Yeye aketiye juu ya kile kiti cha enzi akasema, Tazama, nayafanya yote kuwa mapya. Akaniambia, Andika ya kwamba maneno hayo ni amini na kweli.Je, una shauku ya utakatifu huo walio nao wana wa Mungu? Basi ni wewe uliyekaribishwa kupokea ya chemchemi ya maji ya uzima, bure (m.6). Sasa hivi yapo maombolezo na maumivu, lakini tumeahidiwa ushindi na Yeye aketiye juu ya kile kiti cha enzi, Yeye ashindaye atayarithi haya, nami nitakuwa Mungu wake, naye atakuwa mwanangu(m.7).