Soma Biblia Kila Siku 9Mfano

Yaelekea huyu kijana hakukusudia kwenda kutafuta malaya. Alinaswa  kama mnyama aingiaye kwenye mtego asioujua. Hata hivyo kosa lake liko wazi. Lilianza, si kule tu alipomsikiliza huyo malaya, bali aliposhika njia iendayo nyumbani mwake wakati giza lilipoanza kuingia (m.8-9:Akiishika njia iendayo nyumbani kwake, Wakati wa magharibi, wakati wa jioni, Usiku wa manane, gizani). Ni vigumu kujinasua kuliko kujiepusha na ushawishi wa shetani na dhambi. Twajua dhambi inatutamani, na ni rahisi kunaswa tusipokuwa makini. Ndivyo Mungu anavyosema katika Mwa 4:7,Usipotenda vyema dhambi iko, inakuotea mlangoni, nayo inakutamani wewe, walakini yapasa uishinde). Basi, moyo wako usizielekee njia zake(m.25)! Rudia pia m.4-5: Mwambie hekima, Wewe ndiwe umbu langu; mwite ufahamu jamaa yako mwanamke. Wapate kukulinda na malaya, Na mgeni akubembelezaye kwa maneno yake.