Soma Biblia Kila Siku 9Mfano

Mungu aliwaacha! Ndivyo ilivyoandikwa mara tatu katika m.24, 26 na 28. Njia moja ya Mungu kuidhihirisha hasira yake juu ya uasi na uovu wa watu ni kwa kuwaacha. Wazame katika uovu, waharibike ili ionekane kweli kuwa wamepotea! Mungu hawezi kuwalazimisha watu kumwamini. Na wanajua iliyo kweli na haki, kwa hiyo hawana udhuru (m.20). Ila hawataki kufuata, bali wameamua kufuata tamaa zao na mawazo yao! Walipotea katika uzushi wao. … Wakijinena kuwa wenye hekima walipumbazika. … Waliibadili kweli ya Mungu kuwa uongo, wakakisujudia kiumbe na kukiabudu badala ya Muumba anayehimidiwa milele. … Walikataa kuwa na Mungu katika fahamu zao. … Wakijua sana hukumu ya haki ya Mungu, ya kwamba wayatendao hayo wamestahili mauti, wanatenda hayo, wala si hivyo tu, bali wanakubaliana nao wayatendao(m.21-22, 25, 28 na 32). Katika upendo wake na utakatifu wake, Mungu huyaadhibu maovu. Maana anajua kuwa maovu yanamharibu mtu aliyemwumba kwa mfano wake!