Soma Biblia Kila Siku 9Mfano

Kama inavyoonekana katika m.12 na 17, Paulo aliwalenga Wayahudi kwa maneno ya somo hili: Wote waliokosa, wenye sheria, watahukumiwa kwa sheria. ... Wewe, ukiwa unaitwa Myahudi na kuitegemea torati …. Wengi wao walimkataa Kristo kwa sababu walikuwa wameambukizwa na unafiki wa Mafarisayo (Mt 23:1-7 na 23-28 inaeleza zaidi kuhusu unafiki huu). Mtu anaweza kwa mwenendo wake kuonekana mwema sana kuliko wale waliozungumziwa katika Rum 1:18-32. Ila haitamsaidia lo lote ikiwa kwa siri huyatenda yale yale, na kwa moyo wake yuko mbali na Mungu. Kwa kuwa hukumu ile mhukumuyo, ndiyo mtakayohukumiwa; na kipimo kile mpimiacho, ndicho mtakachopimiwa(Mt 7:2). Mungu hana upendeleo. Hutafuta moyo ulio na toba ya kweli.Au waudharau wingi wa wema wake na ustahimili wake na uvumilivu wake, usijue ya kuwa wema wa Mungu wakuvuta upate kutubu? (m.4). Je, una roho gani? Roho ya uasi na unafiki au roho ya toba?