Soma Biblia Kila Siku 9Mfano

Ghadhabu ya Mungu imedhihirishwa kutoka mbinguni juu ya uasi wote na uovu wa wanadamu(m.18). Kabla Paulo hajaendelea kufundisha zaidi juu ya Injili, anatumia nafasi ya kuonyesha jinsi Mataifa (1:18-32) na Wayahudi (2:1-3:20) wanavyopotea na kuhukumiwa na ghadhabu ya Mungu. Kuna makosa mawili ya msingi yanayomtenganisha Mtaifa na Mungu: 1. "Uasi", yaani kutokumwamini na kumtukuza Mungu (m.21-23:Walipomjua Mungu hawakumtukuza kama ndiye Mungu wala kumshukuru; bali walipotea katika uzushi wao, na mioyo yao yenye ujinga ikatiwa giza. Wakijinena kuwa wenye hekima walipumbazika; wakaubadili utukufu wa Mungu asiye na uharibifu kwa mfano wa sura ya binadamu aliye na uharibifu, na ya ndege, na ya wanyama, na ya vitambaavyo). 2."Uovu", yaani kufanya yasiyo haki. Ndivyo wanavyofanya waipingao kweli kwa uovu (m.18). Je, uko chini ya ghadhabu ya Mungu?